ფიტნეს დღიურები

ფიტნეს დღიური: როგორ ვიკვებები მიზნის მისაღწევად?

მე ვარ ანა და გადავწყვიტე  მომდევნო 12 კვირა დავუთმო ვარჯიშს, სწორ კვებას და ფორმაში ჩადგომას.  ყველაფერი, რაც ამ დროის განმავლობაში დამჭირდება ფორმაში ჩასადგომად, დეტალურად აღიწერება ჩემს ბლოგზე.

ფიტნეს დღიურების ყველა პოსტის ნახვა აქ შეგიძლიათ

ივარჯიშო და არ დაიცვა კვება, ნიშნავს წყალში გადაყარო ენერგია, ფული, დრო  – ფაქტობრივად, უშედეგოდ.

გქონიათ შემთხვევა, როდესაც 1 თვე გაგიტარებიათ დარბაზში და შედეგი ძალიან მცირე ყოფილა? დაფიქრდით, ცუდად ხომ არ იკვებებით? შიმშილობთ? ეს ნიშნავს, რომ ვარჯიშის ენერგია არ გექნებათ, ისევ არაჯანსაღად ჭამთ? ეს ნიშნავს რომ მხოლოდ ვარჯიში ზედმეტ კილოგრამებს ვერ მოგაცილებთ ასე მარტივად.  ეს ყველაფერი საკუთარ თავზე მაქვს გამოცდილი, ამიტომ საკმაოდ სერიოზულად ვეკიდები კვებას.

გაგიზიარებთ ჩემს კვებას, რომელიც ინდივიდუალურია და საკვების რაოდენობა და კვების სიხშირე იმაზეა დამოკიდებული რა შედეგის რა დროში მიღწევა მსურს. ჩემი სწორი კვების რაციონი შედგენილია ჩემი ამჟამინდელი წონისა და სასურველი მიზნის მიხედვით. ამას პლუს, აუცილებელია, სწორი კვება შედგენილი იყოს იმ პროდუქტებით, რომლებიც გიყვართ, თორემ მალე მოგბეზრდებათ, ვერ დაიცავთ კარგად და თან დიეტასთან გააიგივებთ.

თქვენც შეგიძლიათ ინდივიდუალურად მიიღოთ სწორი კვებისა და ვარჯიშის პროგრამა Fit.Ge-ს ამ დისტანციური სერვისის საშუალებით, მარტივად შეგყავთ თქვენი მონაცემები, ირჩევთ საყვარელ საკვებს, ნებისმიერი საბანკო ბარათით იხდით საფასურს (თითოეული პროგრამის ფასი 20 ლარია, ორივე პროგრამას ერთად 30 ლარად შეიძენთ) და მოგდით თქვენი ინდივიდუალურად შედგენილი კვების რაციონი სავარჯიშო პროგრამასთან ერთად. დიახ, ასე მარტივია!

ასევე ნახეთ:  9 შეკითხვა, რომლებიც სპორტდარბაზში მისვლამდე უნდა დასვათ | სპორტდარბაზი

შეგახსენებთ, რომ 71 კგ-დან დავიწყე ვარჯიში.

ასე გამოიყურება ჩემი მენიუ:

პირველი კვება:

  • 55 გრ შვრია
  • 3 ცალი კვერცხის ცილა
  • მწვანე ბოსტნეული შეუზღუდავი რაოდენობით

მეორე კვება:

  • 50 გრ ბრინჯი
  • 100 გრ ქათმის ხორცი
  • მწვანე ბოსტნეული შეუზღუდავი რაოდენობით

მესამე კვება:

  • 40 გრ წიწიბურა
  • 100 გრ ქათმის ხორცი
  • მწვანე ბოსტნეული შეუზღუდავი რაოდენობით

მეოთხე კვება :

  • 120 გრ თევზი
  • მწვანე ბოსტნეული შეუზღუდავი რაოდენობით

მეხუთე კვება

  • 130 გრ ხაჭო

ბრინჯი, შვრია და წიწიბურა იწონება მოხარშვამდე, ხოლო ქათამი და თევზი მოხარშვის შემდეგ.

ჩემს კვებაში ჩართულია როგორც ცილები, ასევე ნახშირწყლები, რაც ძალიან მახარებს, ეს არ არის თავბრუდამხვევი დიეტა, როდესაც სიარულიც კი გიჭირს, არათუ ვარჯიში, შესაბამისად ვარჯიშისთვის საჭირო ენერგია მუდამ მაქვს.

თუ ვარჯიშის შემდეგ საკვები თან წამოღებული არ მაქვს, დარბაზშივე ვსვამ პროტეინშეიქს, რაც მეხმარება მანამ, სანამ მივაღწევ ჩემს საკვებამდე.

რაც შეეხება მომზადებას, შეიძლება მოსაბეზრებლად მოგეჩვენოთ უცხიმო ქათმის ფილეს ჭამა, თუმცა ყველაზე კარგი მეთოდი, როგორ ვაქციოთ გემრიელ საკვებად ქათმის ფილე, მისი გრილზე, სხვადასხვა სუნელებთან ერთად შეწვაა. ყველაზე ძალიან მიყვარს ხახვთან ერთად შემწვარი ქათმის მწვადი. ხახვი თავისებურ არომატს სძენს, უცხიმოდ იბრაწება და ჯანსაღია.

არასწორია ქათმის ფილეს ჩადება მაიონეზში, არაჟანში და მსგავს პროდუქტებში, დასარბილებლად და არომატის მისაცემად. ზედმეტი, არაჯანსაღი კალორიები სპორტული კვებისას არ გამოდგება. გემოს მისანიჭებლად ლიმნის წვენი და შავი პილპილის მარინადში შეგიძლიათ გააჩეროთ და შემდეგ შეწვათ გრილზე, თუ მას იყენებთ.

ასე გამოიყურება მაგალითისთვის ჩემი გრილზე შემწვარი ქათმის მწვადი.

ასევე ნახეთ:  როგორ დავიკლოთ 2კგ გონების გამოყენებით

სიამოვნებით წავიკითხავ რჩევებს, თუ მკითხველებიდან ვინმეს განსაკუთრებული რეცეპტი აქვს ქათმის ფილეს მომზადების, ასე რომ არ დაიშუროთ რჩევებიც!

ფიტნეს დღიურების ყველა პოსტის ნახვა აქ შეგიძლიათ