მოტივაცია

როგორ გავზარდოთ მოტივაცია ვარჯიშისთვის?

დასვენების დღეები როცა მთავრდება, დღის შუქიც კი ჯილდოდ მიგაჩნიათ, თან ამინდიც არც ისე კარგია – ასეთ ერთფეროვან პერიოდში ნამდვილად გჭირდებათ მოტივაცია, რათა ივარჯიშოთ.

გარდა რეჟიმისა და პასუხიმსგებლობებისა, დაბალი სეროტონინის მაჩვენებელიც (სხეულის ერთ-ერთი ნეიროტრანსმიტერი) პოსტ-ზაფხულის პერიოდისთვის ერთ-ერთი დამახასიათებელი ნიშანია.

სერატონინის მაღალი მაჩვენებელი უკავშირდება კარგ განწყობას, ხოლო დაბალი მაჩვენებელი დეპრესიასთან ასოცირდება.

ფიზიკური აქტივობა და მზისგან მიღებული D ვიტამინი მაღლა და მაღლა წევს სეროტონინის მაჩვენებელს.

ასე რომ, ჩნდება კითხვა – როგორ დავუბრუნდეთ ჩვეულ რეჟიმს, როდესაც ვგრძნობთ, რომ ამინდიც და ტვინიც ჩვენ წინააღმდეგ არიან?

გთავაზობთ რამდენიმე განსხვავებულ სტრატეგიას მათთვის, ვისაც მარტო ვარჯიში ურჩევნია და ასევე, მათთვის, ვინც მოტივაციას სოციალურ წრეში ხედავს.

თუ მარტო ვარჯიში გირჩევნიათ:

1. გააკეთეთ ნებისმიერი რამ, რათა მოტივაცია აიმაღლოთ

ბევრი არ იფიქროთ მისვლებზე, გამეორებებზე ან სიჩქარეზე.

უბრალოდ იმოძრავეთ მინიმუმ 30 წუთის განმავლობაში, მარტივად ველოსიპედით გასეირნება ან სამეზობლოში სწრაფი სირბილი.

ნებისმიერი ფიზიკური აქტივობა კარგია (მაშინ როდესაც ამით სიამოვნებას იღებთ), მაგრამ ვარჯიშები, რომლებიც გულის ცემას აგიჩქარებთ, არის საუკეთესო.

2. დილით ვარჯიში

იმ შემთხვევაში, თუ დღის სინათლეს ტოვებთ და დარბაზში სამსახურის მერე მიდიხართ, უკეთესი იქნება, სცადოთ ვარჯიში დილით.

ბუნებრივია, დილით კორტიზოლის მაღალი დონეა და კორტიზოლი ჰორმონებს მიეკუთვნება, რომლებიც ხელს უწყობს სხეულს ენერგიის გამოთავისუფლებაში.

მაგრამ თუკი დილით ვარჯიშის საშუალება არ გაქვთ, იპოვეთ ისეთი ადგილი, რომელიც ახლოს არის ფანჯარასთან და შეიგრძნობთ მზის სხივების.

ასევე ნახეთ:  5 მიზეზი, რატომაც საცურაო აუზი ყოველდღიურობის ნაწილი უნდა გახადოთ

3. დაივიწყეთ გეგმა

სპონტანურობის შეგრძნება არის ის, რაც ზაფხულში გვიყვარს.

რა თქმა უნდა, ძალიან კარგია ვარჯიშის პროგრამა, მაგრამ, ასევე, შეგიძლიათ, იყოთ სპონტანურებიც ვარჯიშისას.

რეგულარული 8 კილომეტრის სირბილის ნაცვლად სცადეთ „სისწრაფის თამაში“.

შეარჩიეთ განათების ბოძებს ან რაიმე შენობებს შორის მანძილი და ეს მანძილი დაფარეთ უფრო დიდი სიჩქარით. ან სირბილისას უბრალოდ გაჩერდით და გააკეთეთ 10 აზიდვა/5 მონაცვლეობადი ლანჯები (ნაბიჯები).

ამ ყველაფრის მიზანი ისაა, რომ არასტრუქტურირებული, დაუგეგმავი, მხიარული და გასართობია.

4. საკუთარი წონით ვარჯიშები

როდესაც თავს არაკომფორტულად გრძნობთ, არ გაგაჩნიათ მოტივაცია და შეგრძნება გაქვთ, რომ სავარჯიშო ჩანთის ჩალაგება ან ბოტასების თასმის შეკვრაც კი არ შეგიძლიათ, არსებობს ისეთი სავარჯიშოები (მაღალი ინტენსივობის საკუთარი წონით), რომლებიც შეგიძლიათ, შეასრულოთ სახლში ან სახლის ეზოში.

მათი შესრულება შეგიძლიათ 10 წუთში, ყოველგვარი დამატებითი აღჭურვილობის გარეშე, მინიმალურ სივრცეში.

გააკეთეთ ის მაქსიმალური რაოდენობა, რასაც 10 წუთში მოასწრებთ.

5 აზიდვა და ახტომა.
10 მონაცვლეობადი ნაბიჯები (ლანჯები)
15 V-აზიდვა
10 აზიდვა
5 ხტომი ჩაჯდომით.

თუ გჭირდებათ იყოთ სოციალურები:

1. ხელახლა გადახედეთ ზაფხულის სურვილების სიას

არის მასში ისეთი ლაშქრობა, რომელიც ვერ აიხდინეთ?

მთაში მოგზაურობა, ველოსიპედების ტური – ვერ მოახერხეთ ზაფხულში ეს ყველაფერი?

არც ახლაა გვიანი, რომ აიხდინოთ ის სურვილები, რომლებსაც ზაფხულისთვის გეგმავდით.

არ შეგაშინოთ სიცივემ, ჩაიცით გრძელმკლავიანი მაისური, შეაგროვეთ მეგობრები და შეასრულეთ ზაფხულის ერთ-ერთი სურვილი.

2. ნოსტალგია

ბედნიერი დღეების უბრალო გახსენებასაც კი შეუძლია სეროტონინის გაზრდა.

როგორ უნდა გავწმინდოთ მტვრისგან საუკეთესო მოგონებები და დავუბრუნოთ მას ბზინვარება?

ასევე ნახეთ:  წონაში დაკლება ძილის დროს • 8 რეკომენდაცია

გადით გარეთ და ითამაშეთ.

ითამაშეთ ფეხბურთი რამდენიმე მეგობართან ერთად, ითამაშეთ კალათბურთი, ან რაიმე თამაში ბავშვობიდან.

3. ჩაერთეთ შეჯიბრში

ცივი თვეები სავსეა სხვადასხვა შეჯიბრით, მაგალითად, ზომბების სირბილი ან შემოდგომის საგზაო რბოლა.

თქვენს კალენდარში ღონისძიების ჩანიშვნა მოგცემთ კონკრეტულ მიზანს და დაგეხმარებათ, კარგად მოემზადოთ მისთვის.