მოტივაციაფიტნესიჯანმრთელობა

8 რჩევა დეპრესიის დროს ვარჯიშისას

მოტივაციის პოვნა, რათა შეინარჩუნოთ სავარჯიშო პროგრამა და არ მოგბეზრდეთ ის, ყველასათვის მარტივი არ არის; განსაკუთრებით დეპრესიის ან სხვა მენტალური დარღვევის მქონე ადამიანებისთვის წარმოადგენს სირთულეს.

მენტალური დაავადებების უნივერსალურ, გავრცელებულ სიმპტომებს წარმოადგენს – დაღლილობა, რომელიც ყველაზე მეტად ბუნდოვანი ხდება და ნებისმიერი ყოველდღიური მარტივი საქმითაც კი იღლებით, როგორიც არის შხაპის მიღება, სამსახურისთის მომზადების პერიოდი, სამუშაოს შესრულება ან ვარჯიშის დრო – რომელიც გამოწვევას ჰგავს.

საბედნიეროდ, არსებობს ხრიკები, რომლებიც დაგეხმარებათ თქვენი პროგრამის შესრულებაში ისე, რომ არ გახდეს მოსაწყენი; მათ შორის, ხრიკები მათთვის, ვინც დეპრესიაშია და მაინც სურს ვარჯიში.

კვლევების თანახმად, ვარჯიშს შეუძლია დეპრესიის სიმპტომების შესუსტება. ასევე, კვირაში ორიდან ექვს საათამდე ვარჯიში მენტალური დაავადებების შემთხვევაშიც, შესაძლებელია, სასარგებლო იყოს.

მაშინ, როდესაც მენტალური პრობლემები გაქვს, ვარჯიშისთვის დროისა და ენერგიის გამონახვა დიდ სირთულეს წარმოადგენს.

სწორედ ამიტომ, გასაკვირი არ არის, რომ დეპრესიის დროს საკუთარ თავზე ზრუნვა ხშირად წარმოუდგენელიც კი არის.

დეპრესიის მქონე ადამიანებისთვის რჩევები (სცადე იოგა ან უბრალოდ ივარჯიშე) ხშირ შემთხვევაში არაფრისმომცემია. არსებობს რამდენიმე ხრიკი. ამ ხრიკებით დეპრესიისა და მენტალური პრობლემების დროს შეგიძლიათ, დაეხმაროთ საკუთარ თავს, იზრუნოთ ამ ყველაფერზე და ივარჯიშოთ.

1. დაიწყეთ მარტივად

თუკი თქვენ განიცდით ენერგიის ნაკლებობას, ასეთ დროს, რა თქმა უნდა, კარგი იდეაა, თქვენი სავარჯიშო პროგრამა შეცვალოთ რამე უფრო მარტივით, რათა თავიდან აირიდოთ გადაწვა.

დაიწყეთ 20 წუთი სიარულით და გაზარდეთ სეირნობით, ან სირბილით, თუკი ეს ვარჯიში გირჩევნიათ.

ასევე ნახეთ:  წონის მატება - დილის 5 მავნე ჩვევა, რომლებიც გასუქებთ

ასევე, ნუ დააკნინებთ მარტივ გაწელევების ვარჯიშებს, რათა დარჩეთ აქტიურები.

2. ივარჯიშეთ სახლში

თუკი თქვენთვის სირთულეს წარმოადგენს ვარჯიშისთვის მომზადება და სახლის დატოვება, არ დააძალოთ საკუთარ თავს ისეთი რამის კეთება, რაც არ გსურთ.

საბედნიეროდ, ვარჯიშისთვის სპორტდარბაზი არ არის აუცილებელი, გადმოწერეთ თქვენს სმარტფონში უფასო სავარჯიშო აპლიკაცია, (ასევე, შესაძლებელია ონლაინ ტრენერის დახმარებაც) ან მოძებნეთ ინსტაგრამზე სასურველი ვარჯიშები, რომელსაც შეუერთდებით ისე, რომ არ მოგიწევთ სახლის დატოვება.

3. მიიღეთ მეგობრის დახმარება

დეპრესიამ, შესაძლებელია, თავი იზოლირებულად და მარტოდ გაგრძნობინოთ.

ამ დროს საუკეთესო გზა თქვენს მხარდამჭერ სისტემასთან სიახლოვის შენარჩუნებაა. ისეთი მეგობრის პოვნა, რომელიც ვარჯიშის დროს დაგეხმარებათ, უზომოდ სასარგებლოა, განსაკუთრებით კი მაშინ, როდესაც დეპრესიაში ხართ.

კვლევების თანახმად, ჯგუფური ვარჯიშები გეხმარებათ, დარჩეთ მოტივირებულები და პასუხისმგებლიანები.

ამ დროს უფრო მეტი ენდორფინი გამოიყოფა, ვიდრე მარტო ვარჯიშისას, რაც ნიშნავს იმას, რომ უფრო მეტ ხასიათის გასაუმჯობესებელ ჰორმონს მიიღებთ.

ეს დაგეხმარებათ მენტალური ჯანმრთელობის გაუმჯობესებაში.

4. სცადეთ მაღალი ინტენსივობის ინტერვალური ვარჯიშები

თუკი ნამდვილად გსურთ, იგრძნოთ ვარჯიშის შედეგები, მაგრამ ამისთვის ლიმიტირებული ენერგია გაქვთ, სცადეთ მაღალი ინტენსივობის ინტერვალური ვარჯიში კვირაში ერთხელ ან ორჯერ.

ამ ტიპის ვარჯიში 10-13 წუთი გრძელდება და აერთიანებს დაბალი ინტენსივობის ვარჯიშებს (მაგალითად, სიარული) და მაღალი ინტენსივობის ვარჯიშებს (როგორიც არის სპრინტი, სირბილი, რაც შეგიძლიათ სწრაფად).

იმის გამო, რომ ამ ტიპის ვარჯიში მცირე დროს მოიცავს, ნიუ იორკ თაიმსის კვლევის თანახმად, საუკეთესო და სასარგებლო ვარჯიშადაა აღიარებული ქრონიკული ჯანმრთელობის პრობლემების დროს, რადგან ის აუმჯობესებს კარდიოვასკულარულ ჯანმრთელობას და გლუკოზის დონეს.

ასევე ნახეთ:  რატომ ჯობს ვარჯიში დილით?

5. წინასწარ დაგეგმეთ

თუ თქვენი დეპრესია იწვევს მუდმივ დაღლილობას, სცადეთ, წინასწარ დაგეგმოთ თქვენი სავარჯიშო სესიები.

ასეთ დროს, დააყენეთ მაღვიძარა და წინასწარ გაამზადეთ ტანსაცმელი.

ამ გზით ცოტათი უფრო მზად იქნებით ვარჯიშისთვის და იმედია, ამ ყველაფრისგან გამოწვეულ სტრესსაც თავიდან აიცილებთ.

რა თქმა უნდა, დეპრესიას არ აქვს მიზეზი, ასე რომ, თუკი გაქვთ ენერგია და მოტივაცია ვარჯიშისთვის, აუცილებლად ივარჯიშეთ.

თუკი მაღვიძარა დარეკავს, მაგრამ თქვენთვის ამას მნიშვნელობა არ აქვს, მაშინ აკეთეთ ის, რაც თავს საუკეთესოდ გაგრძნობინებთ იმ მომენტში.

6. სცადეთ ახალი აქტივობა

დეპრესიის დროს მღელვარება და ცნობისმოყვარეობა ჩვეულებრივი მომენტია, განსაკუთრებით მაშინ, როდესაც საქმე ვარჯიშს ეხება.

თუ ვარჯიში გსურთ, მაგრამ ვერ ატანთ თავს ძალას, სცადეთ ახალი აქტივობები ან ჯგუფური ვარჯიშები, რომლებიც ყოველთვის დაგეხმარებათ მოწყენილობის დამარცხებაში.

ნახეთ ჯგუფური ვარჯიშების სია და აარჩიეთ თქვენთვის ყველაზე საინტერესო ვარიანტი, რომელიც ახალი და განსხვავებული იქნება.

ვარჯიში არასდროს უნდა იყოს დასჯა, თუკი თავს ასე იგრძნობთ, ანუ დროა ვარჯიშის პროგრამა შეცვალოთ.

7. ივარჯიშეთ ტრენერთან ერთად

თუკი გაქვთ იმის შესაძლებლობა, რომ გყავდეთ პირადი ტრენერი, რომელსაც ესმის მენტალური ჯანმრთელობა, საუკეთესო საშუალებაა, მისი დამხარებით დარჩეთ აქტიურები დეპრესიის დროს.

ასეთ დროს ტრენერი დაგეხმარებათ, გააანალიზოთ საკუთარი ფიტნეს მიღწევები, მიზნები და შეინარჩუნოთ ისინი.

არ მოგერიდოთ, დაუძახოთ, დაუსვათ კითხვა და ესაუბროთ იმაზე, თუ რა გაწუხებთ, ასე თქვენ იპოვით ისეთ ტრენერს, რომელიც ნამდვილად შეძლებს თქვენს დახმარებას.

8. იყავით საკუთარი თავის მიმართ თავაზიანები

საერთო ჯამში, საკუთარი სხეულისა და გონების მოსმენა, ასევე, საკუთარი თავის მიმართ თავაზიანობა დაგეხმარებათ ვარჯიშთან ჯანსაღი ურთიერთობის ჩამოყალიბებაში.

ასევე ნახეთ:  მიშა ანდღულაძე - რჩევები ნავარჯიშები სხეულისთვის

იქნება ისეთი სავარჯიშო დღეები, როცა გეგმები სურვილის მიხედვით არ წავა, ამ დროს საკუთარი თავის დადანაშაულება ნეგატიურისა და დემოტივაციის მეტს არაფერს მოგიტანთ.

ეცადეთ, არ იყოთ საკუთარი თავის ყველაზე დიდი კრიტიკოსები, იყავით მზურნველები და მომთმენები  მენტალური ჯანმრთელობის მიმართ.

მენტალური ჯანმრთელობის პრობლემებთან ბრძოლა და ვარჯიში ერთდროულად რთულია, მაგრამ არა – წარმოუდგენელი.

ეცადეთ, იპოვოთ სასარგებლო გზა თქვენი მენტალური ჯანმრთელობისთვის, ამიტომ ამ ხრიკებიდან მოძებნეთ თქვენთვის სასურველი, რომელიც ნამდვილად დაგეხმარებათ დეპრესიის დროს პრობლემების მოგვარებაში.