ფიტნესიჯანმრთელობა

როგორ ზემოქმედებს ვარჯიშზე მენსტრუალური ციკლი: 5 ასპექტი | ენერგიის დონიდან აღდგენით პროცესამდე

ვარჯიში კარგია სხეულისა და მენტალური ჯანმრთელობისთვის, თუმცა მენსტრუალური ციკლი, შესაძლოა, თქვენს რეჟიმში ცვლილებების შეტანის მიზეზი გახდეს.

ჰორმონალური ცვლილებები და მათი გავლენა ადამიანის სხეულზე ჯერ კიდევ შესწავლის პროცესშია.

თუმცა მეცნიერები თანხმდებიან, რომ მენსტრუალური ციკლის პერიოდი გავლენას ახდენს ვარჯიშზე, დაწყებული, თუ როგორ ივარჯიშოთ ამ დროს ყველაზე ეფექტურად და დამთავრებული – აღდგენითი პროცესებით.

მენსტრუალური ციკლის დროს იმის ცოდნა, თუ რომელ ფაზაში იმყოფებით, დაგეხმარებათ, გაიგოთ, რომელი სახის ვარჯიშია თქვენი სხეულის შესაბამისი.

მაგალითისთვის, უშუალოდ სისხლდენის დროს, ექსპერტები რეკომენდაციას უწევენ მაღალი ინტენსივობის ინტერვალურ ვარჯიშებს, რომელიც საუკეთესო შედეგის მომტანია.

გარდა ამისა, ის მოგაწვდით ინფორმაციას ენერგიის დონის, დაზიანებების რისკისა და თქვენი მოქნილობის შესახებაც კი.

მენსტრუალური ციკლი თქვენი სხეულის ბევრ ფუნქციაზე მოქმედებს, რაც მოიცავს ტემპერატურასა და მეტაბოლიზმს, ასე რომ, გასაკვირი სულაც არ არის, ასეთ დროს სპორტდარბაზი სრულად დამოკიდებულია თქვენს საკვერცხეებზე.

გთავაზობთ 5 მოულოდნელ ასპექტს, რაზეც მენსტრუალური ციკლი ახდენს გავლენას.

1. კუნთები

ზოგიერთი კვლევის თანახმად, ძალისმიერ ვარჯიშებს ფოლიკულური ფაზის დროს (ანუ ის კვირა, როდესაც ციკლი დაგიმთავრდათ – მანამ, სანამ ოვულაციის პერიოდი დაიწყება), ძალიან დიდი შედეგი აქვს კუნთების სიძლიერეზე, ვიდრე ლუტეინური ფაზის დროს (ანუ კვირას, სანამ ციკლი დიაწყება).

ფოლიკულური ფაზის დროს უფრო მარტივია კუნთოვანი მასის გაზრდა, ვიდრე ლუტეინური ფაზისას გაკეთებული სიმძიმეების აწევით.

მკვლევარები დაზუსტებით ვერ ამბობენ, თუ რა იწვევს ამას, თუმცა ვარაუდობენ, რომ ესტროგენის გამო ხდება ეს, რადგან ფოლიკულური ფაზის დროს აღწევენ პიკს.

ასევე ნახეთ:  რატომ უნდა მივირთვათ ჭარხალი 2 კვირის განმავლობაში

რჩევა: ოვულაციის დროს არასდროს გამოტოვოთ ფეხის დღე.

2. მოქნილობა

ძალიან საინტერესოა, რომ ქალის სხეულში იოგები (შეერთებები) მენსტურალური ციკლის ლუტეინური ფაზის დროს უფრო ელასტიური და თავისუფალი ხდება.

ამ ყველაფერში ესტროგენია „დამნაშავე“.

ასეთ დროს გაწელვებისა და გასახურებელი ვარჯიშების კეთება საუკეთესო გამოსავალია.

3. დაზიანებები

სპორტსმენი ქალები 3-6-ჯერ უფრო მიდრეკილნი არიან წინა ჯვარედინი იოგის დაზიანებისკენ, ვიდრე კაცები.

ეს იმას ნიშნავს, რომ მეტი სიფრთხილე და ყურადღება უნდა გამოიჩინოთ კონკრეტულ მომენტში, როდესაც დაზიანებების რისკი კიდევ უფრო დიდია.

ბოლოდროინდელი კვლეევების თანახმად, ჰორმონალური ცვლილებები გავლენას ახდენს მყესის სისუსტეზე და მყესების დაზიანებების რისკზე. რისკი კი ყველაზე მაღალია ოვილაციის პერიოდში, როდესაც ესტროგენი მაღალია.

ოვულაციის პერიოდამდე დიდი ყურადღება დაუთმეთ გაწელვებსა და გასახურებელ ვარჯიშებს, განსაკუთრებით კი ჯვარედინი იოგის მიდამოებს, რათა დარწმუნდეთ, რომ დაცული ხართ.

4. ენერგიულობა

ციკლის მეორე ნაწილში ჰორმონ პროგესტერონის დონე საგრძნობლად იზრდება.

ამ ფაზის დროს, ასევე, მაღალია სხეულის ტემპერატურაც – 0,4 ცელსიუს გრადუსით იწევს ოვულაციის შემდეგ და რჩება მაღალი მენსტრუაციამდე.

თქვენი სხეული ემზადება პოტენციური ორსულობისთვის. შესაძლებელია, აღმოაჩინოთ, რომ ლუტეალური ფაზის დროს ნაკლები გამძლეობა გაქვთ, ვეღარ აკეთებთ იმდენ გამეორებას, რამდენსაც ჩვეულ დროს და ასევე, შესაძლებელია ციკლის პირველ ნაწილში ვარჯიშის დროს თავი ცუდადაც კი იგრძნოთ.

ასე რომ, ვარჯიშის შესრულების გამო საკუთარ თავს ნუ განსჯით, რადგან ამ დროს სავსებით ნორმალურია სუსტი შესრულებები.

5. აღდგენითი პროცესები

ოვულაციის შემდეგ სხეულის ტემპერატურა მცირედით მაღალია და შენელებული გულისცემაც, შესაძლოა, ახლავდეს ციკლს.

ასევე ნახეთ:  ძილის იდეალური ხანგრძლივობა თითოეული ასაკისთვის | ძილი

ათლეტებისთვის ეს გავლენას ახდენს როგორც ვარჯიშზე, ასევე – აღდგენით პროცესებზე.

არსებობს მოსაზრება, რომ გამძლეობის სპორტები უფრო მეტ სირთულეებს განიცდიან შუალუტეალურ ფაზაში (ოვულაციისა და მენსტრუაციას შორის პერიოდი).

თუ თქვენ ფიქრობთ, რომ უფრო რთულია ვარჯიში მენსტრუაციამდე და ასევე, უფრო დიდი დრო სჭირდება აღდგენით პროცესებს, ეს ნამდვილად არ არის თქვენი ფანტაზიის ნაწილი.

ასე რომ, თუ თქვენ ათლეტი ხართ ან უბრალოდ სხეულის კარგ ფორმაში მოსაყვანად ვარჯიშობთ, ნუ შეგაშინებთ მენსტრუალური ციკლი; მასთან ერთად ვარჯიში შესაძლებელი და სასარგებლოც კი არის.