მედიტაციაჯანმრთელობა

როგორ დავიწყოთ მედიტაცია და რატომ არის ის მნიშვნელოვანი

უმეტესობა მედიტაციას აღიქვამს, როგორც სიმშვიდის გზას და რეგულარულ პრაქტიკას,  სტრესისგან განმათავისუფლებელს. მაგრამ მედიტაცია შესაძლებელია აღმოჩნდეს სხვა გზებისთვის გასაღები, მაგალითად ძალის და კუნთოვანი მასის მოსამატებლად.

მარტივი,  ბაზისური საწყისებით და შემდგომ მათი მუდმივი გამოყენებით, შესაძლებელია აღმოაჩინოთ როგორი მარტივია ვარჯიშზე ფოკუსირება და ვიზუალურადაც მარტივად აღიქვათ თქვენი შედეგი.

მედიტაცია ასევე შესაძლებელია სასაარგებლო აღმოჩნდეს სამედიცინო თვალსაზრისითაც, რაც დადებითად აისახება თქვენ ფიტნეს მიღწევებზე.

ჯანმრთელობის ეროვნულმა ინსტიტუტმა ამერიკაში აღნიშნა, რომ მედიტაციას აქვს ბენეფიტები ისეთ სფეროში, როგორიც არის კუნთებისა და სახსრების ტკივილი, მაღალი წნევა, გაღიზიანებული მსხვილი ნაწლავის სინდრომი, შფოთვა და ინსომნია.

ნებისმიერი დროისა და ადგილისთვის, საბედნიეროდ არსებობს მინი-მედიტაციის პრაქტიკები, ამიტომ არ დაგჭირდებათ ყოველ დილით ნახევარი საათის გატარება სამედიტაციო ხალიჩაზე.

გთავაზობთ სამ ტექნიკას, რათა უფრო მეტი მედიტაცია ჩართოთ თქვენ ყოველდღიურ ცხოვრებაში:

ალტერნატიული სუნთქვა

ღრმა სუნთქვა მედიტაციისა და იოგის განუყოფელი ნაწილია, თუმცა სუნთქვაზე კონცენტრაცია ზოგი ადამიანისთვის ხელის შემშლელ ფაქტორად გვევლინება.

ჯერ ამოისუნთქეთ და შემდეგ ჩაისუნთქეთ ღრმად. მომდევნო ამოსუნთქვის დროს საჩვენებელი თითი მიიტანეთ მარჯვენა ნესტოსთან და ჩაკეტეთ ის.

ჩაისუნთქეთ, შემდეგ გაათავისუფლეთ ნესტო და ჩაკეტეთ მარცხენა. ამოისუნთქეთ და ჩაისუნთქეთ ამ გზით, გაიმეორეთ 15-ჯერ.

ეს ტექნიკა დაგეხმარებათ დაიმშვიდოთ გონება და ასევე მიგაჩვევთ ღრმა სუნთქვას, რაც პასუხისმგებელია თქვენი სხეულის ანტი-სტრესულ განწყობაზე.

როგორც კი ეს მოხდება, თქვენი სხეული მოიხსნის დაძაბულობას და აღარ შეგიშლით ხელს სპორტულ აქტივობაში. იფიქრეთ მასზე, როგორც სხეულის და ტვინის გახურებაზე.

ასევე ნახეთ:  ძილის იდეალური ხანგრძლივობა თითოეული ასაკისთვის | ძილი

აქტიური მოსმენა

იმდენად ბევრი განსხვავებული ხმაა თქვენ გარშემო, რომ რთულია მათი გაფილტვრა. მაგრამ თუ შევძლებთ და ყურადღებას არ მივაქცევთ მათ, თავი გათიშულადაც შეიძლება გვაგრძნობინებს, მაშინაც კი როდესაც გვესაუბრებიან.

აიღეთ მოსმენისგან შესვენება

თუ ხართ სუფთა ჰაერზე ან შეხვედრაზე გაიჭედეთ, ჩაისუნთქეთ და ამოისუნთქეთ ღრმად და ამის შემდეგ დაიწყეთ თქვენ ირგვლივ არსებული ხმების მოსმენა, თითქოს რადიოს შოუს უსმენთ.

შენობის შიგნით შესაძლოა გესმოდეთ ნაბიჯების ხმა, კალმის ტკაცუნი ან დერეფანში მოსაუბრე ადამიანების დიალოგი. ხოლო გარეთ, როგორ აშრიალებს ქარი ხეებს ან მწერების ხმაური, მხოლოდ და მხოლოდ მხედველობის არეს გარეთ.

აქტიურ მოსმენას აქვს უამრავი ფიტეს ბენეფიტი. ის გეხმარებათ მოადუნოთ თქვენი სხეული და თავიდან აიცილოთ არასასურველი ხმები.

ეს მოგცემთ უდიდეს უპირატესობას, როდესაც მუშაობთ რაიმეზე, ან კონცენტრირებული ხართ სუნთქვაზე ვარჯიშის დროს.

მთლიანი სხეულის გამოსახულება

ხშირად, ადამიანებს სხეულის გარკვეულ ნაწილში დაძაბულობას გრძნობენ, ისე რომ არ აქვთ ის სრულად გააზრებული.

დროთა განმავლობაში, ისეთი სიმპტომები, როგორიც არის თავის ტკივილი, მხრის ტკივილი ან კისრის დაჭიმულობა, შესაძლოა იქცეს ქრონიკულ დაავადებად.

აკონტროლეთ ის რეგულარული შემოწმებებით, რათა თავიდან აიცილოთ.

ისევე როგორც სხვა პრაქტიკის დროს, დაიწყეთ თქვენი მედიტაცია ღრმა ამოსუნთქვითა და ჩასუნთქვებით. შემდეგ ეცადეთ იგრძნოთ საკუთარი სხეულის ყოველი ნაწილი და შეგნებულად მოადუნეთ ისინი.

მაგალოითად, დაიწყეთ ფეხის თითებით – მოკეცეთ და გაშალეთ, შემდეგ იფიქრეთ ისეთ სიტყვებზე, რომელიც დაგეხმარებათ რელაქსაციაში, მაგალითად ფაფუკი და დასვენება. განაგრძეთ ტერფებით, მუხლებით და ა.შ.

ასევე ნახეთ:  გაიგეთ რამდენად ჯანმრთელი ხართ ამ 7 რიცხვის მეშვეობით

ეს მიდგომა კარგია ვარჯიშის დაწყებამდე, ეს ნიშნავს რომ თქვენი ვარჯიში უფრო შედეგიანი იქნება, მაგალითად უფრო დიდ დისტანციას დაფარავთ სირბილით.

შესაძლოა აღმოაჩნოთ, რომ თქვენი ბარძაყები გაქვავებულია, როგორც აგური ან თქვენი წელი გაყინულია. ამ დონის ცნობიერება დაგეხმარებათ თავიდან აირიდოთ მსგავსი დაზიანებები და შეცვალოთ საკუთარი ფორმები.

რაც უფრო ხშირად გამოიყენებთ ამ ტექნიკებს, შეამჩნევთ რომ მით უფრო გაგიადვილდებათ ფოკუსირება  ვარჯიშზე.

საუკეთესო ნაწილი კი ის არის, რომ პატარა მედიტაციასაც კი შეიძლება ჰქონდეს დიდი შედეგი.

თქვენ გიცდიათ მედიტაცია?