დიეტამასის მომატებაფიტნესი

5 მიზეზი, თუ რატომ არ გაზრდის მძიმე წონით ვარჯიში თქვენს მოცულობას

თუ ფიქრობთ, რომ მძიმე წონით ვარჯიში თქვენს მოცულობას გაზრდის, აუცილებლად უნდა გაეცნოთ ამ სტატიას და მიხვდეთ, თუ სად უშვებთ შეცდომებს.

1. მეტ კალორიას წვავთ

წონის აწევა მხოლოდ თქვენს კუნთოვან ქსოვილზე არ ახდენს გავლენას. წინააღმდეგობრივი ვარჯიშები ზრდის ტესტოსტერონსა და ზრდის ჰორმონს. ასევე, ის განსხვავებულად მოქმედებს გენეტიკისა და გენდერის მიხედვით. მაგრამ რაც ყველაზე მნიშვნელოვანია, იზრდება მეტაბოლიზმი.

წონის აწევა ზრდის თქვენ უცხიმო მასას, რაც თავის მხრივ იწვევს მთელი დღის განმავლობაში უფრო და უფრო მეტი კალორიის დაწვას.

ასე რომ, კალორიებს დაწვავთ დარბაზის გარეთაც, როცა ისვენებთ ან სამსახურში ხართ.

2. თქვენ გამოკვეთთ თქვენს სხეულს – არ ხდით მას უფრო დიდის

წონის აწევა საუკეთესო გზაა, როდესაც გსურთ, სხეულს მისცეთ კარგი ფორმა. თქვენ შეიძლება საათებს ატარებთ ბილიკზე, ველოსიპედზე ან თხილამურებზე, რათა მეტი კალორია დაწვათ. მაგრამ ლამაზი სხეულის საიდუმლო არ მდგომარეობს კარდიო ვარჯიშებით კალორიის დაწვაში – არამედ მყარი, კუნთოვანი ბაზის შექმნაში.

გსურთ კარგი საჯდომი? აკეთეთ ჩაჯდომები და ძელის ამოწევები.

გსურთ გამოკვეთილი მხრები და ზურგი? აკეთეთ მხრების ვარჯიშები და აზიდვები. კარგი იქნება, დაიხმაროთ ტრენერი, რომელიც სწორად შეგირჩევთ ვარჯიშებს და დაგეხმარებათ სასურველი მიზნების მიღწევაში.

3. სასურველი შედეგებისთვის ვარჯიშობთ

ქალებს წინააღმდეგობრივი ვარჯიშების გამოყენება შეუძლიათ ყველა სახის და დონის ფიტნეს შედეგების მისაღწევად; ეს ყველაფერი ესთეტიკის ფარგლებში.

რა თქმა უნდა, წონით ვარჯიში შეგიძლიათ, გამოიყენოთ ბოდიბილდინგის შეჯიბრისთვის მოსამზადებლად ან ოლიმპიური მძიმე წონის აწევებისთის, ან უბრალოდ იმისთვის, რომ იყოთ ჯანმრთელები და საკუთარ თავში დარწმუნებულები.

ასევე ნახეთ:  ახდენს თუ არა ვარჯიში გავლენას ჰორმონებზე? | ჰორმონები

უამრავი ვარიანტი არსებობს, რომლის მორგებაც საკუთარ საჭიროებებზე შეგიძლიათ.

თუ თქვენ უბრალოდ გსურთ საკუთარი სხეულის ფორმაში მოყვანა და საკუთარი სხეულის გაუმჯობესება, წონით ვარჯიში ძალიან მნიშვნელოვანია ნებისმიერი ფიტნეს პროგრამისთვის.

თუ თქვენ გსურთ კუნთოვანი მასის მომატება, უნდა ივარჯიშოთ 4-6 დღე კვირაში, მაგრამ თუ უბრალოდ სხეულის გაჯანსაღება გსურთ – კვირაში 1-3 დღე.

4. უნდა გაზარდოთ სწორი კვების რაციონის მოცულობა, რომ გაზარდოთ თქვენი სხეულიც

ვერ დაიკლებთ სასურველ წონას მხოლოდ ვარჯიშით – კარგად იცით, რომ გჭირდებათ სუფთა და ჯანსაღი დიეტა. ასევეა სხეულის მოცულობის გაზრდისთვისაც.

კუნთოვანი მასის გაზრდა ხდება მომატებული კალორიებითა და მძიმე წონით ვარჯიშის კომბინაციით. თქვენ თუ კვირაში 1-3 დღე წინააღმდეგობებით ვარჯიშობთ, მაგრამ არ იღებთ დამატებით კალორიებს, ვერ გაზრდით კუნთოვან მასას.

5. თქვენ ვერ გაიღვიძებთ გადიდებული კუნთებით

თუ აკეთებთ ბიცეფსის ვარჯიშებს და მიირთმევთ ისპანახს, ამით ნამდვილად ვერ გაიღვიძებთ პაპაის მსგავსი. თვეები სჭირდება იმას, რომ დაინახოთ სულ მცირე ფინტეს შედეგები, როგორიც არის გადიდებული კუნთები ან დაკლებული სხეულის ცხიმი.

თუ თქვენ გსურთ ბოდიბილდერების მსგავსი კუნთები, თქვენ გჭირდებათ, რომ ამისთვის იბრძოლოთ წლები, დიეტითა და ვარჯიშით. ასეთი ტიპის ათლეტები ვარჯიშობენ დიდი დატვირთით, რასაც თქვენ შემთხვევითად ვერ მიაღწევთ.

თუ გსურთ, რომ ძალისმიერი ვარჯიშების ბენეფიტები მიიღოთ, ამისთვის მძიმე შრომა და ერთგულება გჭირდებათ. თანმიმდევრულობა არის გასაღები, როდესაც საქმე თქვენი სხეულის შეცვლასა და სიცოცხლის მანძილზე ცვლილებებს ეხება.

თუ თქვენ ჯერ კიდევ ნერვიულობთ ვარჯიშების თანმიმდევრობაზე ან თავად ვარჯიშებზე, საუკეთესო გამოსავალი ტრენერთან გასაუბრებაა, რომელიც სპეციალურად თქვენთვის შეადგენს ინდივიდუალურ სავარჯიშო პროგრამას.

ასევე ნახეთ:  თქვენი გეგმა ფიტნეს მიზნების მისაღწევად

ამ შემთხვევაში, გარანტირებული გექნებათ სიძლიერე, სექსუალურობა და თავდაჯერება.

თქვენ გიყვართ მძიმე წონით ვარჯიში?