მასის მომატებაფიტნესიცხიმის წვა

20 წუთიანი ნიჩბის მოსმის ვარჯიში წონის კლებისა და კუნთის ზრდისთვის | ნიჩბოსნობა

რა არის ნიჩბოსნობა? ძალიან ეფექტური, იშვიათად გამოყენებადი და დარბაზში თითქმის ყოველთვის თავისუფალი – ნიჩბის მოსმის ტრენაჟორი კარდიო ვარჯიშებისთვის ერთ-ერთი საუკეთესო საშუალებაა.

კროსფიტის მიმდევრები და ოლიმპიური მოთამაშეები დიდი დატვირთვით იყენებენ ნიჩბოსნობის ტრენაჟორს, თუმცა სპორტდარბაზში მოსიარულე ადამიანები ნიჩბებს მხოლოდ ნავის მართვისას თუ გამოიყენებენ.

ნიჩბის ყოველი მოსმისას ადამიანი კუნთების 85%-ს იყენებს – 9 მთავარი კუნთოვანი ჯგუფის ჩათვლით. ეს იმას ნიშნავს, რომ მთლიანი სხეულის ვარჯიში გარანტირებულია, რაც გამოიხატება აჩქარებულ გულის ცემასა და ცხიმის წვაში, ნიჩბოსნობის ტრენაჟორით 30 წუთის განმავლობაში ვარჯიშისას 300 კალორიას წვავთ.

ალექა გრეგორი, რომელიც 5 გზის მსოფლიო ჩემპიონი და ორჯერ ოლიმპიური ოქროს მედლის მფლობელია ნიჩბოსნობაში ამბობს, რომ ყოველდღიურად სახლში 20 წუთით იყენებს ნიჩბოსნობის ტრენაჟორს, რათა შეინარჩუნოს ფიტნეს მიღწევები და ავარჯიშოს მთლიანი სხეული.

თანმიმდევრობა ძალიან მნიშნელოვანია: ფეხები, სხეული, მხრები, მხრები, სხეული, ფეხები… ფოკუსირდით ფეხებზე – ძალის 60% ფეხებიდან მოდის, 30% სხეულიდან და 10% კი – მხრებიდან. ვარჯიშისას შეინარჩუნეთ მთავარი მუცლის კუნთების სტაბილირობა.

სცადეთ ვარჯიში ქვემოთ მოცემული ინსტრუქციით და მოგვიანებით ნამდვილად კმაყოფილები დარჩებით, რადგან შედეგი არ დააყოვნებს.

გახურება:

– 1-წუთი მსუბუქი ნიჩბის მოსმა, წუთში 18.
– 1-წუთი საშუალო ნიჩბის მოსმა, წუთში 22.
– 1-წუთი ძლიერი ნიჩბის მოსმა, წუთში 26.
– 1-წუთი მსუბუქი ნიჩბის მოსმა, წუთში 18.

#1 ინტერვალი:

10 წამი მსუბუქი ნიჩბის მოსმა, შემდეგ 20 წამი მძიმე ნიჩბის მოსმა – 8ჯერ.

ასევე ნახეთ:  10 რამ, რაც შეიძლება მოხდეს, თუ ვარჯიშის შემდეგ დროულად არ შეჭამთ

შემდეგ:

– 250m ნიჩაბი + 25 ჩაჯდომები ხტომით
– 200m ნიჩაბი + 20 ნაბიჯები ხტომით
– 150m ნიჩაბი + 15 აზიდვა
– 100m ნიჩაბი + 10 ჩაჯდომები (იატაკზე ხელის დადებით და ფეხების გაშლით)
– 50m ნიჩაბი + 5 ხტომა (იატაკზე ხელის დადებით და ფეხების გაშლით)

#2 ინტერვალი :

–  1-წუთი მაქსიმალური სიჩქარით რაც შეგიძლიათ ნიჩბის მოსმა, 30 წამი შესვენება და 1 წუთი ისევ იგივე.

ტემპის დაგდება:

3-წუთი მსუბუქი ნიჩბის მოსმა, რაც დაჭიმავს საჯდომის კუნთებს, ბარძაყის წინა და უკანა კუნთებს.

მოგინდათ ნიჩბოსნობა და დაინტერესდით ამ ვარჯიშით?