სწორი კვებაფიტნესი

რა უნდა მიირთვათ ვარჯიშამდე?

გადაწყვეტილება, თუ რას მიირთმევთ ვარჯიშამდე, ყოველთვის გულისხმობს სწორი ბალანსის პოვნას.

თქვენ უნდა მიაწოდოთ თქვენს სხეულს საჭირო ენერგია, რაც მას ვარჯიშისთვის სჭირდება, მაგრამ ამავე დროს არ გინდათ, რომ თავი მძიმედ ან შებერილად იგრძნოთ. ამისთვის საჭიროა, წინასწარ იცოდეთ და დაგეგმოთ ყოველი ვარჯიშის წინ კვების რაციონი როგორც საკვების, ასევე დანამატების სახით.

ადრიანი დილის ვარჯიში

როდის უნდა ჭამოთ: 30 წუთით ადრე.

რა გჭირდებათ: მთელი ღამის განმავლობაში შიმშილის შემდეგ საჭიროა როგორც ცილის, ასევე ნახშირწყლების მიღება. შესაძლებელია გამოსაფხიზლებლად სტიმულანტების გამოყენებაც.

საკვები: ბანანი და 0%-იანი ხაჭო, დააყოლეთ ყავა

დანამატები: WHEY, ენერგეტიკული ფილები და კოფეინი.

ლანჩის დროს ვარჯიში

როდის უნდა ჭამოთ: 30-60 წუთით ადრე.

რა გჭირდებათ: მსუბუქად წაიხემსეთ მაღალი შემცველობის ნახშირწყლებით, რათა ვარჯიშამდე მალე მოხვიდეთ ენერგიაზე. შესაძლებელია სტიმულანტების გამოყენებაც, როგორიც არის კოფეინი.

საკვები: ბრინჯი,  მიაყოლეთ ყავა

დანამატები: ენერგეტიკული ფილები  და კოფეინი.

საღამოს ვარჯიში

როდის უნდა ჭამოთ: 15-30 წუთით ადრე.

რა გჭირდებათ: საკმარისი საუზმე და სადილი უზრუნველყოფს საჭირო ენერგიას, ამიტომ ფოკუსირდით ჰიდრატაციაზე, ასევე, შესაძლებელია მცირე ზომის ნახშირწყლებით წახემსება.

საკვები: ერთი მუჭა თხილეული

დანამატები: Energy gel.

სიმძიმეებით ვარჯიში

როდის უნდა ჭამოთ: 1-2 საათით ადრე ვარჯიშამდე, რაც საჭიროა სრულყოფილი მონელებისთის.

რა გჭირდებათ: ნახშირწყლები და ცილები, ვარჯიშის დროს კი ფოკუსირდით ჰიდრატაციაზე.

საკვები: ფაფა თაფლთან ერთად, თუკი ეს დილის ვარჯიშია, მიირთვით კენკრა და ერთი მუჭი თხილეული, ხოლო თუკი გვიან ვარჯიშობთ, მიირთვით ქათამი და ავოკადო.

ასევე ნახეთ:  6 აქტივობა, რომლითაც ვარჯიშის გარეშე დაწვავთ კალორიებს

მაღალი ინტენსივობის ინტერვალური ვარჯიში

როდის უნდა ჭამოთ:  30-60 წუთით ადრე.

რა გჭირდებათ: სტიმულანტები, კოფეინი ყველაზე კარგი ვარიანტია – ისინი ზემოქმედებენ ტვინზე და გიმარტივებენ ვარჯიშს, რაც მაღალი ინტენსივობის ვარჯიშის დროს ნამდვილად სასარგებლოა.

თქვენ, ასევე, შეგიძლიათ, მიირთვათ ცოტაოდენი ნახშირწყალი ვარჯიშამდე, რათა მიიღოთ მეტი ენერგია.

საკვები: ბანანი და ყავა.

დანამატები: ენერგეტიკული ფილები და კოფეინი.

ამ ყველაფერთან ერთად კი, სწორი კვების თქვენზე მორგებული პროგრამა გაცილებით გაგიადვილებთ გადაწყვეტილებების მიღებას, თუ როგორ იკვებოთ ვარჯიშამდე.