ფიტნესი

საკვები, რომელიც სექსუალური პრესის დაყენებაში დაგეხმარებათ

კარგად დახედეთ თქვენს მუცელს და დაფიქრდით, მოგწონთ თქვენი პრესი?! თუ მოგწონთ გეტყვით, რომ შეგიძლიათ ის კიდევ უფრო მიმზიდველი და სექსუალური გახადოთ, ამაში კი ვარჯიშის გარდა საკვებიც დაგეხმარებათ.

გთავაზობთ იმ საკვების სიას, რომელიც თქვენს კუბიკებს მუცელზე უფრო ლამაზსა და მოხდენილს გახდის.

1. თუ გსურთ პრესი და ზოგადად ლამაზი სხეული გქონდეთ, ცხოველური საკვები საუკეთესოა პროტეინის მიღების თვალსაზრისით

რადგანაც ის შეიცავს სხეულის ფუნქციონირებისათვის საჭირო ყველა ამინომჟავას. ქათამი, თევზი, კვერცხი, საქონლის ხორცი, ინდაური თქვენი მენიუს ნაწილი უნდა გახდეს.

გახსოვდეთ, რომ წონის მომმატებელ ფაქტორად თქვენს მენიუში სწორედ პროტეინის შემცველი საკვები გახდება, მაგრამ შეგიძლიათ უფრო მძიმე საკვებიც მიიღოთ, მაგ: ავოკადო, თხილი, მიწისთხილის კარაქი და ა.შ.

თუ თქვენი მიზანი წონაში დაკლებაა, მაშინ უნდა მოახერხოთ თქვენი ვარჯიშამდე და ვარჯიშის შემდგომი ულუფების თქვენს მოთხოვნილებებთან შეთავსება.

2. რეკომენდაციას ვუწევთ ნახშირწყლისა და პროტეინის ნაზავს

(სადაც შეფარდება ამ ნივთიერებებს შორის 2:1-ზე იქნება) ვარჯიშის შემდეგ და მომდევნო ულუფას (ქათმის მკერდი და ტკბილი კარტოფილი) 60-90 წუთში.

მოერიდეთ ზედმეტად ცხიმიან საკვებს, ეს მხოლოდ შეანელებს თქვენი წონაში კლებისა და კუნთოვანი სისტემის ზრდის პროცესს. თუ თქვენ ლამაზი პრესი გინდათ გქონდეთ, ეს მნიშვნელოვანია.

3. მკაცრად შეზღუდული ნახშირწყლების დიეტამ შეიძლება გამოიწვიოს თქვენს ორგანიზმში გლიკოგენის (უჯრედებში შენახული ენერგიის რეზერვის) შემცირება.

პრესი და ზოგადად ყველა კუნთი მეტაბოლიზმზეა დამოკიდებული, იგი გამუდმებით მოითხოვს ენერგიის წყაროს, ამიტომაც აუცილებელია, იგი დიდი რაოდენობით გამოვიმუშავოთ.

ასევე ნახეთ:  ყავა თუ მწვანე ჩაი?

თქვენი ნახშირწყლების მთავარ რესურსს უნდა წარმოადგენდეს კარტოფილი, ბრინჯი, ბოსტნეული და ა.შ. ბოსტნეულთან დაკავშირებით სიფრთხილის გამოყენებაა საჭირო, რადგანაც მათმა დაბალკალორიულობამ შესაძლოა ნივთიერებათა მიმოცვლა დაარღვიოს.

4. ადამიანთა უმრავლესობა საკვებს დღეში 2-3 პორციად იღებს და შუალედებში რაიმეს მირთმევისგან თავს იკავებს.

რა თქმა უნდა, ამ გზით შესაძლებელია წონაში დაკლება, მაგრამ კუნთოვანი სისტემის განსავითარებლად და ფორმაში ჩადგომისათვის ეს ხერხი ვერ გამოდგება.

ყოველ სამ საათში საკვების მცირე დოზებად მიღება დაარეგულირებს თქვენს სისხლში შაქრის შემცველობას, გააუმჯობესებს ნუტრიციულ ბალანსს და შეამცირებს მოთხოვნილებას ტკბილი ან ცხიმოვანი საკვების მიმართ.

ამ გზით უფრო მეტი გლიკოგენის გამომუშავებასა და დაზოგვას შეძლებთ, ეს კი უზრუნველყოფს თქვენი კუნთების უსაფრთხოებას ვარჯიშის პროცესში.

ასე რომ, შეკრიბეთ თქვენი დღიური საკვების ოდენობა და გადაანაწილეთ რამდენიმე ულუფაზე. თუ თქვენთვის დღის გრაფიკი პრობლემას წარმოადგენს, ეცადეთ აქცენტი სწრაფად გაცხელებად ან ცივად მირთმევად საკვებზე გააკეთოთ.

5. თუ თქვენ რეგულარულად ვარჯიშობთ და სპორტულ ცხოვრებას ეწევით, პროტეინის ადეკვატური დოზა აუცილებელია თქვენი პრესის ფორმისათვის.

საუკეთესო შეფარდებად ითვლება 1.6-2 გრამი პროტეინი ყოველ 1 კილოგრამზე.

ამ გამოთვლისას მხედველობაში იქონიეთ თქვენთვის ოპტიმალური და სასურველი სხეულის წონა. მაგალითად, თუ 85 კილოგრამს იწონით, თქვენთვის მისაღები პროტეინის დოზა დაახლოებით 136 გრამს უდრის, რაც ნიშნავს 27 გრამს თითოეულ ულუფაზე (თუ ხუთჯერ იკვებებით დღეში). ამ დოზას დაახლოებითი სიზუსტით შეიცავს ქათმის მკერდის ოთხი ნაჭერი.

6. ცხიმების მიმოცვლას თქვენს სხეულში ე.წ. ჰიდროლიზი განაგებს.

შესაბამისად, არასაკმარისი სითხის მიღებამ შესაძლოა ხელი შეუშალოს წონაში კლების პროცესს. დალიეთ წყალი ხშირად დღის განმავლობაში, განსაკუთრებით ვარჯიშამდე და ვარჯიშ შემდეგ. სასურველ დღიურ დოზას 10 ჭიქა წარმოადგენს.

ასევე ნახეთ:  6 ფიტნეს ჩვევა, რომლებიც შედეგის მიღწევაში ხელს გიშლით

გახსოვდეთ, ადამიანის ორგანიზმი ხშირად არასინქრონიზებულია, ამიტომაც, ნუ დაელოდებით, სანამ მოგწყურდებათ.

7. თქვენი პირველი და პირველ ვარჯიშამდე მიღებული საკვები უნდა შეიცავდეს აუცილებელ ნივთიერებებს.

როდესაც იღვიძებთ, გლიკოგენის რესურსი თქვენს სხეულში პრაქტიკულად ამოწურულია, ამიტომაც საჭიროა მისი მაქსიმალურად განახლება.

თქვენი ბოლო (ან ბოლო 2) ულუფა უნდა არეგულირებდეს პროტეინის შემცველობას სხეულში. აუცილებელია ამ პერიოდში მიიღოთ “სველი” საკვები, რომელიც დიდი რაოდენობით შეიცავს სითხეს: პომიდორი, ბადრიჯანი, ბოსტნეული. იქედან გამომდინარე, რომ არ შეგიძლიათ სითხის მიღება, სანამ გძინავთ, ძილის წინ მიღებული მარაგი ერთგვარი საწვავის ფუნქციას შეასრულებს.

ბონუს რჩევა: შეეჩვიეთ თევზის ჭამას. თევზი მსუბუქ საკვებს წარმოადგენს, რომელიც შეიცავს აუცილებელ ამინომჟავებს. იგი ასევე სასარგებლოა ჯანმრთელობისათვის