ჯანმრთელობა

სასარგებლოა თუ არა რძე?

არც თუ ისე დიდი ხნის წინ კითხვა – სვამ თუ არა რძეს – ძალიან ჩვეულებრივი და მარტივი იყო, რადგან რძე ყველასთვის სასარგებლოდ მიიჩნეოდა.

საერთო სურათი დღესდღეობით შეცვლილია – ადამიანების უმეტესობა კვლავ სვამს რძეს, თუმცა საზოგადოებაში დიეტიდან რძის ნაწარმის ამოღება გაიზარდა.

თუკი თქვენ ერთ-ერთი მათგანი ხართ, ვინც რძეზე უარი თქვა რაიმე მიზეზით ან ვეგანი ხართ, ან ლაქტოზას ვერ იტანს თქვენი სხეული, ანდა უბრალოდ არ მოგწონთ, საჭიროდ ჩათვალეთ, დარწმუნდეთ, რომ რძის გარეშეც იღებთ იმ საჭირო ნივთიერებებს, რასაც ის შეიცავს (განსაკუთრებით კალციუმს).

რა სასარგებლო ნივთიერებებს შეიცავს რძე?

რძე არის პროტეინისა და კალციუმის დიდი წყარო და უდიდეს როლს თამაშობს ძვლების ჯანმრთელობაში.

იმისათვის, რომ ჩვენმა სხეულმა ერთი ჭიქა რძისგან მიღებული კალციუმის რაოდენობა მიიღოს, ამისთვის საჭიროა 63 ბრიუსელის კომბოსტოს, 11 პორცია ისპანახის ან 4 ცალი ბროკოლის ჭამა.

რძეში პროტეინის შემცველობას, ასევე, შეუძლია, დანაყრების შეგრძნება მოგგვაროთ, რომელიც დიდხანს გაგრძელდება და დაკარგავთ ჭამის სურვილს, მაშინ როდესაც კალციუმი ამცირებს ცხიმის რაოდენობას, რომელიც შეიწოვება ნაწლავებში.

პროტეინისა და კალციუმის გარდა, რძე შეიცავს იოდს, კალიუმს, ფოსფორს და ვიტამინებს – B2, B1 და B12, რომელიც სასარგებლოა ვარჯიშის შემდეგ, რადგან ის ხელს უწყობს კუნთოვანი მასის აღდგენას და ორგანიზმის ჰიდრატაციას – რძე არის ნატურალური, გემრიელი და ხელმისაწვდომი გზა, რაც გჭირდებათ ინტენსიურად ვარჯიშის დროს.

კვლევების თანახმად, მიუხედავად რძეში მაღალი გაჯერებული ცხიმების შემცველობისა, მეცნიერებმა დაასკვნეს, რომ მას არანაირი კავშირი არ აქვს და არანაირად არ ზრდის ორივე სახის დიაბეტის წარმოქმნის რისკს.

ასევე ნახეთ:  3 მითი სიმძიმეებით ვარჯიშზე, რომლებიც ქალებმა უნდა დაივიწყონ | ქალების ვარჯიში

აქვს თუ არა უარყოფითი მხარეები რძეს?

მიუხედავად იმისა, რომ რძე ცილის დიდი წყაროა, ზოგიერთი ინდივიდისთვის ის შესაძლოა, საზიანო აღმოჩნდეს – მაგალითად, თირკმელის ქრონიკული დაავადებისთვის, მისი გადაჭარბებით მოხმარების გამო ფოსფატების დონეზე.

გარდა ამისა, ზოგიერთი არომატიზირებული რძე შეიცავს შაქრის დიდ რაოდენობას, ხშირად გაორმაგებულ რაოდენობას ჩვეულებრივთან შედარებით.

ასე რომ, მნიშვნელოვანია, მის მოხმარებამდე კარგად გაეცნოთ რძეში შემავალი ნივთიერებების შესახებ ინფორმაციას.

რას ნიშნავს ლაქტოზის მოუნელებლობა და რამდენად გავრცელებულია ის?

ლაქტოზის მოუნელებლობა, საკვების რომელიმე ფერმენტის ვერ მონელების ტიპს განეკუთვნება, რასაც იწვევს ადამიანის სხეულში მცირე რაოდენობით ლაქტოზის არსებობა ან საერთოდ მისი არარსებობა. ამიტომ მათ არ შეუძლიათ ლაქტოზის მონელება.

ლაქტაზა არის ისეთი ფერმენტი, რომელიც ეხმარება ლაქტოზის მონელებაში, როგორიც არის რძის შაქარი.

ის ყოფს შაქარს გლუკოზად და გალაქტოზად, რომლებსაც შემდგომ მარტივად ითვისებს სისხლძარღვები.

ადამიანები, რომლებსაც აწუხებთ ლაქტოზის ვერ მონელება, ვერ აწარმოებენ საკმარისი რაოდენობის ლაქტაზას. ამიტომ ლაქტოზა რჩება მომნელებელ სისტემაში და გარდაიქმნება ბაქტერიად.

იმის მიხედვით, თუ რატომ არ აწარმოებს სხეული საკმარისი რაოდენობის ლაქტაზას, ლაქტოზის მოუნელებლობა, შესაძლებელია, იყოს მუდმივი ან დროებითი.

მოზრდილების უმეტეს შემთხვევაში ის მემკვიდრეობით მიღებულია და მთელი ცხოვრების მანძილზე გრძელდება.

მაგრამ ახალგაზრდების შემთხვევაში გამომწვევი მიზეზი მომნელებელი სისტემის ინფექციაა და შესაძლებელია, გაგრძელდეს რამდენიმე კვირა.

უმეტეს შემთხვევაში, ვისაც ბოლო შემთხვევა ახასიათებს, გამოიმუშავებს მცირე რაოდენობით ლაქტაზას და არ არის საჭირო რძის პროდუქტებზე უარის თქმა.

თუკი ფიქრობთ რომ ლაქტოზას მოუნელებლობა გაწუხებთ, დიეტის შეცვლამდე აუცილებელია დიაგნოზი

სიმპტომები, რომელსაც ლაქტოზას მოუნელებლობა იწვევს, შესაძლოა, სხვა რამით გამოწვეული სიმპტომების მსგავსი იყოს.

ასევე ნახეთ:  7 გზა კუნთების რელაქსაციისთვის, რომლებზეც აქამდე არ გიფიქრიათ

მაგ: გაღიზიანებული ნაწლავის სინდრომი, ან თუნდაც რძის ცილაზე ალერგია.

ამიტომ აუცილებელია, გაესაუბროთ ექიმს, სანამ სრულად უარს იტყვით რძის პროდუქტებზე.

ლაქტოზის მოუნელებლობის სიმპტომები ჩნდება ლაქტოზის შემცველი პროდუქტის მიღებიდან ან დალევიდან რამდენიმე საათში, რაც შეიძლება გამოიხატოს დიარეაში, ასევე ახასიათებს კუჭის ტკივილი და ავად ყოფნის შეგრძნება.

თუმცა სიმპტომებიც ინდივიდუალურია, ზოგიერთს, შესაძლოა, ძალიან მცირე რაოდენობაზე დაეწყოს სიმპტომები, მაშინ როდესაც ზოგს თამამად შეუძლია, მიიღოს მცირე რაოდენობის რძის პროდუქტი.

თუ კი რძის მიღებას შეწყვეთ, ნებისმიერი მიზეზით, რა ნივთიერებებით უნდა ჩაანაცვლოთ ის, რომელი საჭმელი და სასმელია საუკეთესო?

ცილა – ხორცი, თევზი, კვერცხი, ყველი, იოგურტი, ოსპი, ტოფუ

კალციუმი – ყველი, იოგურტი, თევზეული, სოიო, თხილის და ბრინჯის რძე და ბოსტნეული.

კალიუმი – ხილი (ბანანი, ავოკადო და შავი მოცხარი), ბოსტნეული (სოკოები, ისპანახი და ა.შ) და თხილი, ოსპი.

ფოსფატი – კვერცხი, ყველი, იოგურტი, თხილეული, და თევზეული.

იოდი – ყველი, იოგურტი და თევზი, კარტოფილი, ბანანი, შავი ქლიავი.

ვიტამინ B2 – თევზის ქონი, კვერცხი, ხორცი, ყველი, ხილი (ყურძენი) და ბოსტნეული (ისპანახი, სოკო და ბროკოლი).

ვიტამინ B1 – თევზი, თხილეული, მარცვლეული, ხილი (ანანასი, ფორთოხალი, ნესვი), ბოსტნეული.

ვიტამინ B12 – იოგურტი, ყველი, კვერცხი, ხორცი, თევზი, ბურღულეული.

არის თუ არა რძის შემცვლელები ისეთივე სასარგებლო, როგორიც ძროხის რძე?

სოიოს რძე ერთ-ერთი საუკეთესო ძროხის რძის შემცვლელია და მისი ცხიმი და ცილის შემცველობა იდენტურია ძროხის რძის.

ბრინჯის და ნუშის რძე დაბალი რაოდენობით შეიცავს როგორც ცხიმს, ასევე – ცილას.

ასევე ნახეთ:  რამდენად ხშირად უნდა აიწონოთ? | სასწორი

რძის უმეტესობა, ასევე, მდიდარია კალციუმით, თუმცა არა – ქოქოსის რძე.

რძის მცენარეული შემცვლელები არ შეიცავენ იგივე სახის მინერალებს, რასაც ძროხის რძე, ამიტომ ყოველთვის კარგია, რომ შეამოწმოთ იმ პროდუქტის შემცველი ნივთიერებები, რომელსაც მოიხმართ.

რა რისკები და სარგებელი აქვს არაპასტერიზებულ რძეს?

პასტერიზაციის პროცესში რძე ძალიან სწრაფად ცხელდება და სწრაფად ცივდება. ეს პროცესი კლავს მავნე ბაქტერიებს.

არაპასტერიზებული რძე, შესაძლოა, მავნე იყოს თქვენი ჯანმრთელობისთვის; მისი გაყიდვა ზოგ ქვეყანაში შეზღუდულიც კია. ამიტომ არ ღირს გარისკვა და არაპასტერიზებული რძის მიღება.