ფიტნესიწონაში კლება

ეს მარტივი ვარჯიში უფრო ეფექტურია, ვიდრე 30-წუთიანი სირბილი

სხეულის ტონუსში მოსაყვანად, სისხლძარღვოვანი სისტემის გასაუმჯობესებლად და კალორიების დასაწვავად სულ არაა აუცილებელი სპორტ-დარბაზში საათობით ვარჯიში, ერთადერთი, რაც გჭირდებათ, ესაა სახტუნაო!

დიახ დიახ, სახტუნაო მხოლოდ ბავშვებისთვის არაა. დადასტურებულია მისი პოზიტიური გავლენა ჩვენს სხეულზე, მითუმეტეს, თუ მას სხვა ვარჯიშებთან ერთად გამოვიყენებთ. ამ სტატიაში ჩვენ შემოგთავაზებთ რჩევებს, თუ როგორ უნდა მიაღწიოთ სასურველ შედეგს სახტუნაოს გამოყენებით დროის ხანმოკლე პერიოდში.

ის შესანიშნავია კალორიების დასაწვავად – არაერთი კვლევის თანახმად, გულსისხლძარღვთა სისტემის გაუმჯობესებისთვის და კალორიების დაწვის კუთხით, 10 წუთიანი ხტუნაობა იგივეა, რაც 30 წუთიანი სირბილი.  თუ სირბილის დროს იწვება 270 კკალორია, სახტუნაოთი ხტუნაობისას ეს რიცხვი 330 კკალორიას შეადგენს! ის დროის და სივრცის დაზოგვის მხრივაც ეკონომიურია – შეგიძლიათ ნებისმიერ დროს და ადგილას ივარჯიშოთ, არც ცუდი ამინდი წარმოადგენს პრობლემას, განსხვავებით სირბილისგან.

ხტუნაობისას აქტიურდება ერთდროულად რამდენიმე კუნთოვანი ჯგუფი – ტონუსში მოჰყავს მკლავები, ფეხები, ზურგი, პრესი და მხრები.

ეს ხომ ძალიან მარტივია შესასრულებლად, ბავშვსაც კი თავისუფლად შეუძლია გაართვას თავი. მნიშვნელობა არ აქვს თქვენს ასაკს, ფორმებს და არც ამჟამინდელ ფიტნეს-მდგომარეობას.

გარდა ფიზიკური უნარებისა, ავითარებს კოორდინაციის, დინამიური ბალანსის და რელფექსიის უნარს. ამაღლებს განწყობას მით უფრო, თუ მას მეგობრებთან ერთად ასრულებთ.

რა უნდა გაითვალისწინოთ, სანამ ვარჯიშს შეუდგებით:

  • სახტუნაოს სწორი შერჩევა. კარგი იქნება, თუ მას სპეციალურ სპორტულ მაღაზიაში შეიძენთ, სადაც გექნებათ კონსულტირების საშუალება თუ რა სიგრძის, როგორი ტარის და მასალის იქნება თქვენთვის უმჯობესი.
  • შეარჩიეთ რბილძირიანი ფეხსაცმელი. შეგიძლიათ ფეხშიშველამ იხტუნაოთ, რაც ყველაზე კარგია, მაგრამ ეს მხოლოდ, მაშინ როცა ტექნიკას კარგად დახვეწთ.
  •  თავი მაღლა დაიჭირეთ და მზერა წინ მიმართეთ, არ იყუროთ დაბლა.
  • ტორსი უნდა იყოს გაჭიმული, მუხლები კი ოდნავ მოხრილი.
  • იდაყვები სხეულთან რაც შეიძლება ახლოს.
  • ტარი თითებით გეჭიროთ და არა ხელის გულებით.
  • თოკი მაჯით ატრიალეთ და არა მხრებით.
  • ფეხის წინა მხრით აკონტროლეთ ჰაერში ახტომის და დაცემის დონე, ხტუნვის დროს ქუსლები არ უნდა ეხებოდეს მიწას. არც ძალიან მაღლა არ უნდა ახტეთ- ოპტიმალური სიმაღლე 3-4 სმ-ა.
  • მას შემდეგ, რაც ხტუნვის ერთ სახეობას საფუძვლიანად დაუეფლებით, შეგიძლიათ გადახვიდეთ შემდეგზე: ორმაგი ხვეულა, ცალ ფეხზე ხტუნვა, ქროსოვერი და ა.შ.
ასევე ნახეთ:  როგორი უნდა იყოს თქვენი პულსი და რატომ აქვს ამას მნიშვნელობა?