ფიტნესიწონაში კლებაწონის კორექცია

წონის დაკლება სიმძიმეებით ვარჯიშით | სიმძიმეები

აწიეთ სიმძიმეები, ეს აუცილებლად დაგეხმარებათ წონის დაკლებაში.

თუ სცადეთ წონაში დაკლება, თუმცა არ გამოგივიდათ, სავარაუდოდ, სირბილით ან ველოსიპედით სეირნობის გზით ცდილობდით.

ამ ტიპის კარდიო ვარჯიშებს ჯანმრთელობისათვის ბევრი სარგებლის მოტანა შეუძლია, თუმცა წონაში დაკლების მხრივ ამ გზით მაქსიმალური შედეგის მიღწევა ფაქტობრივად შეუძლებელია.

არაერთი კვლევის თანახმად, ერთ-ერთი საუკეთესო გზა წონაში დასაკლებად სიმძიმეების აწევაა.

გთავაზობთ  სიმძიმეების აწევის 6 წესს, რომლებიც წონაში დასაკლებად აუცილებლად გამოგადგებათ:

1.      სიმძიმეების აწევისას ეცადეთ  განსხვავებული მოქმედებებით ივარჯიშოთ

მართალია, ერთი და იმავე ვარჯიშების განხორციელება შესაძლოა ეფექტური იყოს კუნთოვანი მასის გასაზრდელად, თუმცა, თუ წონაში დაკლება გსურთ, უმჯობესია სხვადასხვა ტიპის მოძრაობები განახორციელოთ.

საუკეთესო ვარჯიში იქნება, თუ დაიწყებთ ერთი მოძრაობით, რომელსაც შემდეგ მოსდევს უფრო მცირე ინტენსივობის, მარტივი მოძრაობა.

ასევე შეგიძლიათ შესვენების გარეშე განახორციელოთ მცირე ინტენსივობის ვარჯიშები, რომლებიც, წონაში დაკლებასთან ერთად, მიმართული იქნება სხვადასხვა კუნთებისკენაც.

თუ გსურთ ვარჯიშისას არ დაუშვათ არანაირი შეცდომა და თავიდან აიცილოთ ტრამვები, ამასთანავე მიიღოთ საუკეთესო შედეგი სულ რაღაც 8 კვირაში ეწვიეთ ბმულს!

2.      გააკეთეთ მთლიანი სხეულის ვარჯიშები

თუ კუნთების გაზრდა გსურთ, უმჯობესია, თქვენი ვარჯიშები კონცეტრირებული იყოს ერთ ან ორ კუნთზე, თუმცა წონაში დასაკლებად, უმჯობესია მთლიანი სხეულის ვარჯიშები დაიწყოთ.

ასეთი ვარჯიშები უფრო მეტ ენერგიას მოითხოვს, შესაბამისად, ვარჯიშის პროცესში უფრო მეტი რაოდენობით ცხიმები იწვება.

3.      პრიორიტეტი გააკეთეთ ისეთი სიმძიმის აწევაზე, რომელიც უფრო მეტი კუნთების ჩართულობას მოითხოვს

მიზეზი მარტივია, რაც უფრო მეტი კუნთია ჩართული, მით უფრო მეტი წონის აწევას შეძლებთ.

ასევე ნახეთ:  ვარჯიში სახლის პირობებში

რაც უფრო მძიმეს აწევთ, კუნთებს უფრო მეტი მუშაობა დასჭირდებათ, ხოლო ასეთ დროს თქვენი სხეული უფრო მეტ ცხიმებსა და კალორიებს დაწვავს.

4.      შეამცირეთ წონა

შესაძლოა ეს წინა რჩევის საწინააღმდეგოდ მოგეჩვენოთ, თუმცა  გარკვეული პერიოდის შემდეგ მნიშვნელოვანია აწეული სიმძიმეები შეამციროთ.

ეს დაგეხმარებათ უფრო უკეთ გააკონტროლოთ თქვენ მიერ აწეული სიმძიმეები და კონცეტრირდეთ კუნთების ვარჯიშზე.

5.      არ გადააჭარბოთ განსაზღვრულ დასვენების პროცესს

თუ წონაში დაკლება გსურთ, აუცილებელია ვარჯიშებს შორის შესვენებები, რაც შეიძლება მოკლე იყოს, რათა სხეულს ნაკლები დრო მისცეთ აღდგენითი პროცესებისა და ვარჯიშამდელ მდგომარეობაში დაბრუნებისათვის.

6.      ეცადეთ ვარჯიშების სესია მოკლე იყოს

ინტენსიური ვარჯიშები არ უნდა გრძელდებოდეს 45 წუთზე მეტხანს, რათა შენარჩუნებული იყოს კუნთების ეფექტური მუშაობა და, შესაბამისად, ცხიმების წვის პროცესიც.

აი, ასეთი მნიშვნელოვანია სიმძიმეები წონაში დასაკლებად!