ფიტნესი

ნაკლები სუნი ვარჯიშის შემდეგ

ვარჯიშის დროს ოფლის გამოყოფა სავსებით ბუნებრივია, ასევე, ბუნებრივია ვარჯიშის ან მზეზე დიდხანს ყოფნის შემდეგ ოფლის სუნი, რაც არაკომფორტულობასთან ერთად, უხერხულ სიტუაციასაც ქმნის.

რამდენიმე ხრიკის ცოდნით, თუ როგორ იყოთ ნაკლებად წებოვანი და ოფლით გაჟღენთილი ვარჯიშის შემდეგ, დაგეხმარებათ, აკონტროლოთ სხეულის ტემპერატურა და გააგრილოთ, რაც შეიძლება სწრაფად.

ვარჯიშისთვის თავის დანებება და მზეზე უარის თქმა საერთოდ არ არის გამოსავალი; უბრალოდ, საჭიროა, იყოთ მეტად მომზადებული.

საჭირო ჰიგიენის შენარჩუნება არა მხოლოდ თავს გაგრძნობინებთ კარგად, არამედ აგარიდებთ ოფლისაგან და სიბინძურისგან გამოწვეულ კანის სხვადასხვა დაზიანებას, როგორიც არის აკნე ან გამონაყარი, რაც, თავის მხრივ, არასასიამოვნო და შემაწუხებელია.

ასე რომ, თუკი მთელი დღე მზეზე გიწევთ ყოფნა ან მაღალი ინტენსივობის ვარჯიშებს აკეთებთ, დარწმუნდით, რომ ეხმარებით საკუთარ თავს, ნაკლებად წებოვანი და ოფლიანი იყოთ.

ჩვენი 7 რჩევა განსაკუთრებით დაგეხმარებათ მაშინ, თუ შხაპისთვის დრო არ გაქვთ ზაფხულის ცხელ დღეებში ან ვარჯიშის შემდეგ.

  1. დაიბანეთ ვარჯიშამდე

რაც არ უნდა პარადოქსულად ჟღერდეს, ვარჯიშამდე მიიღეთ შხაპი.

ის მოგაშორებთ მანამდე არსებულ ზეთებსა და სურნელს, რაც აქამდე ჰქონდა თქვენს სხეულს.

ეს კიდევ უფრო კომფორტულს გახდის ვარჯიშს.

ზოგადად, ოფლი უსუნო ელემენტია, მას სუნს ის ბაქტერია აძლევს, რომელიც ადამიანის სხეულზე ცხოვრობს.

  1. მოერიდეთ ცხარე საკვებს

აუცილებლად გადაამოწმეთ დიეტა, მოერიდეთ ცხარე და მწარე საკვებს, ასევე, ალკოჰოლს, რომელიც ხელს უწყობს წებოვნების საკითხებს.

ხახვის და ნიორის სუნი საგრძნობი იქნება ოფლის სუნში. ამიტომ, დაიცადეთ, სანამ ვარჯიშს მორჩებით და შემდეგ დაამატეთ თქვენს საკვებს მეტი გემო.

  1. გამოიცვალეთ ტანსაცმელი

ტანსაცმლის გამოცვლა დაგეხმარებათ წებოვნების მალე მოშორებაში და სისუფთავის შეგრძნებას მოგგვრით.

ასევე ნახეთ:  10 მიზეზი, რატომ გჭირდებათ ვარჯიში რეგულარულად (წონაში დაკლების გარდა)

ის, ასევე, მოგაშორებთ იმ ბაქტერიებს, რომელიც ვარჯიშის დროს ან სიცხეში აითვისეთ.

  1. გამოცვალეთ ფეხსაცმლის საფენი

ხშირად ხდება რომ, ფეხზე სუნი ჩვენი ბრალი გვგონია, მაგრამ, სინამდვილეში, ჩასაფენის ბრალია, ამიტომ გამოცვალეთ ფეხსაცმლის საფენი ისევე, როგორც იცვლით სხვა ტანსაცმელს.

  1. ჩაიცვით ნესტის შემწოვი ტანსაცმელი

ექსპერტები გვირჩევენ, რომ ვარჯიშის დროს და ზაფხულის ცხელ დღეებში ნესტის შემწოვი ნაჭრისგან დამზადებული ტანსაცმელი ვატაროთ.

ეს დაგვეხმარება, ნაკლებად ოფლიანი ვიყოთ.

  1. გამოიყენეთ მშრალი შამპუნი

თუ თქვენი თმა ტენიან და მშრალ გარემოში ყოფნისას იჟღინთება, განსაკუთრებით კი ოფლიანი ვარჯიშის შემდეგ, და არ გაქვთ შხაპის დრო, აუცილებლად გამოიყენეთ მშრალი შამპუნი, რომელიც დაეხმარება თმას გაგრილებაში.

ის დაგეხმარებათ, იყოთ ნაკლებად წებოვანი და სუნიანი, მაშინ როდესაც თმის ჩამობანის დრო არ გაქვთ.

  1. დაიბანეთ სახე ცივი წყლით

ცივი წყლით სახის დაბანა არამხოლოდ გაგრილებაში დაგეხმარებათ, არამედ მოგაშორებთ წებოვნებასა და ოფლს და ასევე, აღმოფხვრის აკნეს განვითარების შანსს, რომელიც შესაძლებელია განვითარდეს დიდი ხნის დაუბანლობის შედეგად ბინძურ გარემოში ყოფნისას.

აუცილებლად გაითვალისწინეთ სტატიაში განხილული რჩევები და ვარჯიშის შემდეგ არასასიამოვნო სუნი აღარ შეგაწუხებთ.