ფიტნესიჯანმრთელობა

5 გზა ტრამვის თავიდან ასაცილებლად | ტრამვა

ალბათ, ბევრი სპორტმენისგან გსმენიათ, რა ცუდია როცა ტრამვა აქვთ და ვერ ვარჯიშობენ. იმისთვის, რომ თქვენც მათ რიგებს არ შეემატოთ და რაც მთავარია,  ჯანმრთელობას მაქსიმალურად გაუფრთხილდეთ, დაიცავით შემდეგი წესები:

1.       ეცადეთ ზურგში ყოველთვის გამართული იყოთ

ვარჯიშის დროს ეცადეთ ზურგის ქვედა ნაწილი სწორ მდგომარეობაში გქონდეთ, წინააღმდეგ შემთვევაში, სხვადასხვა ვარჯიშის შესრულებისას შესაძლოა ტკივილი იგრძნოთ.

ყველაზე რთული ის არის, რომ ყოველთვის ვერ აკონტროლებთ სწორ მდგომარეობაშია თუ არა თქვენი ზურგი, ამიტომ თავდაპირველად ეცადეთ ტრენერი ან მეგობარი დაიხმაროთ, რომ აკონტროლოს, ან გადაიღეთ ვიდეო, რათა შემდგომში გაითვალისწინოთ და გამოასწოროთ შეცდომები.

2.       ერთმანეთისგან განასხვავეთ მტკივნეული შეგრძნებები და რეალური ტკივილი

კუნთებში მცირედი მტკივნეული შეგრძნებები კარგი ინდიკატორია, რომ კუნთებს კარგად ავარჯიშებთ, თუმცა აუცილებელია მისგან გამიჯნოთ რეალური ტკვილი, რაც დაზიანებას მოწმობს.

ტკივილი, რომელიც ზურგის ქვედა ნაწილში გაწუხებთ და რომელსაც გაბუჟების შეგრძნება ახლავს თან,  შესაძლოა დაზიანებისაგან იყოს გამოწვეული.

გარდა ამისა, დაღლილობის შეგრძნება რამდენიმე კუნთში ერთიანად, აუცილებლად სერიოზულად უნდა აღიქვათ, ისევე, როგორც მგრძნობელობა მხარში.

ეცადეთ აკონტროლოთ ვარჯიშის ტიპები, თუ გრძნობთ, რომ კონკრეტული ვარჯიში ტკივილს იწვევს, ჩაანაცვლეთ იგი სხვა ვარჯიშით.

3.       არ დაიწყოთ დიდი დატვირთვით ვარჯიში ძალიან სწრაფად

დისტანციურ მანძილზე მორბენალებს ერთი კარგი წესი აქვთ, რომელსაც „10%-იან წესადაც“ მოიხსენიებენ.

ამ წესის თანახმად, ვარჯიშისას წინა კვირის ვარჯიშის ინტენსივობას 10%-ზე მეტით არ უნდა გადააჭარბოთ.

მაგალითისათვის, თუ სიმძიმეების აწევაში ვარჯიშობთ, შესაძლოა ყოველკვირეულ წონას დაუმატოთ 3-5 %-ით მეტი.

ასევე ნახეთ:  როგორ ავარჩიოთ სწორი სავარჯიშო წონა?

4.       აკონტროლეთ ვარჯიშის ხარისხი

შეიძლება, მოგწონდეთ ბიცეფსის ვარჯიშები, მაგრამ თუ ტრამვა გინდათ რომ თავიდან აიცილოთ, აუცილებელია სავარჯიშო პროგრამა სწორად გადაანაწილოთ და არ დაჩაგროთ არცერთი კუნთი.

სხეულის ყველა კუნთის პროპორციულად ვარჯიში აუცილებლად დაგიცავთ ტრამვებისგან.

თუ არ იცით, როგორ უნდა შეადგინოთ საკუთარი სავარჯიშო პროგრამა, შეგიძლიათ ისარგებლოთ ჩვენი სერვისით და შეგვადგენინოთ ინდივიდუალური სავარჯიშ პროგრამა (სწორი კვების რაციონთან ერთად).  ეწვიეთ ამ ბმულს. 

5.       მოერიდეთ რთულ ვარჯიშებს

მართალია, სპორტდარბაზში აქტიურად უნდა ივარჯიშოთ, თუმცა თავი აარიდეთ მოქმედებებს, რომლებმაც შესაძლოა ზიანი მოგიტანოთ, ან გეტკინოთ. არ გააკეთოთ ის ვარჯიშები, რომლის ინსტრუციაშიც დარწმუნებული არ ხართ.

შეეცადეთ დააბალანსოთ ვარჯიშები და ზედმეტად არ გადაიტვირთოთ.