ფიტნესიწონაში კლებაწონის კორექციაწონის მომატებაწონის შენარჩუნებაჯანმრთელობა

5 თითქოს უმნიშვნელო რამ, რაც ხელს შეგიშლით ფიტნეს მიზნების მიღწევაში | ფიტნეს მიზანი

რა არის თქვენი ფიტნეს მიზანი? მიუხედავად იმისა, ბოდიბილდერი ხართ, უბრალოდ სპორტისთვის ვარჯიშობთ თუ ზედმეტ კილოგრამებს იკლებთ, სავარუდოა, რომ შეცდომებს მაინც უშვებთ. ზოგიერთი შეცდომის ამოცნობა მარტივია (მაგალითად, ზედმეტი ალკოჰოლის ან ტკბილეულის მიღება), ზოგიერთი მათგანი კი თვეების განმავლობაში შეიძლება შეუმჩნეველი დარჩეს და გავლენა იქონიოს თქვენს პროგრესზე.

გთავაზობთ შეცდომებს, რომლებიც ხშირია და უმეტესად ვერც კი აცნობიერებთ მათ:

1. არარეალური მიზნები

ადამიანები ამ შეცდომას ძალიან ხშირად უშვებენ – ფიქრობენ, რომ ფიტნეს მიზანი სხვა ადამიანის მაგალითზე მიბაძვით უნდა დაისახონ. (მაგალითად, მიშელ ობამას მხრები ან კეით ჰუდსონის პილატესით მიღებული პრესი).

ფიტნესი არ არის კოსმეტიკა. ის ბიოლოგიური პროცესია და თქვენი სხეულის ცვლილებები დამოკიდებულია უამრავ ცვლადზე, რომელიც თქვენს კონტროლს არ ექვემდებარება. ეს არის: გენეტიკა, სქესი, ასაკი, რამდენი ხანია რაც ვარჯიშობთ, დაზიანებების ისტორია და კუნთის ბოჭკოს ტიპი.

ასე რომ, თუკი ვინმე კონკრეტული ადამიანის  სხეულის გადმოკოპირებისთვის იბრძვით დარბაზში, მზად იყავით იმედგაცრუებისთვის.

არ აქვს მნიშვნელობა, რამდენად კარგად ეცდებით, მაინც ვერასდროს დაემსგავსებით კონკრეტულ ცნობილ ადამიანს, ათლეტს ან თუნდაც თქვენს მეგობარს.

სცადეთ ეს: ესთეტიკური მიზნების ჩამოყალიბების ნაცვლად ეცადეთ, განსაზღვროთ შესრულების ეფექტურობა (მაგალითად, 3-დან 10-მე გაზარდოთ ძელზე აწევები).

ამით ფოკუსირებული იქნებით რეალურ მიზნებზე აბსტრაქტულის ნაცვლად.

2. ხარისხის ნაცვლად რაოდენობის პრიორიტეტულობა

კიდევ ერთი გავრცელებული შეცდომა, რომელსაც ხალხი უშვებს, არის ფიქრი, რომ მათ პროგრესისთვის სჭირდებათ ძალიან გრძელი, უაღრესად მრავალფეროვანი ვარჯიშები. ამის სანაცვლოდ კარგი იქნება გამოსადეგი, სპეციფიური ვარჯიშების კარგად და სწორად შესრულება.

ასევე ნახეთ:  რა სიხშირით უნდა ავარჯიშოთ კონკრეტული ჯგუფის კუნთები?

მსგავსი ვარჯიში ჰგავს ვებსაიტზე მცდარი პაროლის გაუჩერებლად შეყვანას. თუმცა დროთა განმავლობაში, როდესაც სხეულს აიძულებთ, მისთვის ეს ადაპტირდება, როგორც ნორმალური. საბოლოო ჯამში, დაბალი ხარისხის მოძრაობები მიგიყვანთ ძლივს შესამჩნევ პროგრესამდე ან უარესი – დაზიანებამდე.

სცადეთ ეს: გაეცანით თქვენ მიერ არჩეული მიზნის მიღწევისთვის სათანადო მექანიზმებს. შეგიძლიათ, რჩევა ჰკითხოთ ტრენერს, თავად შეისწავლოთ ვიდეოებიდან, ექსპერტების სტატიებიდან. ანდა შექმნათ თქვენზე მორგებული ვარჯიშის პროგრამა.

თუკი გსურთ, რომ მოძრაობის ანალიზი გააკეთოთ, პირველ რიგში, თავად უნდა გაიაზროთ, რომ რაღაც არასწორია.

ბოლოს სცადეთ, მობილიზდეთ და ფოკუსირდეთ აქტივობებზე, როგორიც არის იოგა, პილატესი, რაც გაზრდის სხეულის ცნობიერებას.

3. არასდროს ისვენებთ

იმ შემთხვევაში, როდესაც ფიტნეს მიზანი გაქვთ, ის დაშვება, რომ “რაც უფრო მეტია, უფრო კარგია” – მცდარია.

დამწყები მარათონელი ფიქრობს, რომ ბევრი კილომეტრი არის კარგი შეჯიბრის გასაღები. პერსპექტიული ბოდიბილდერი ფიქრობს, კვირის განმავლობაში რაც შეიძლება მეტი სიმძიმე აწიოს. მაგრამ ღირებული ოფლი მთავარი “ინგრედიენტია”, რათა დასახული ფიტნეს მიზანი ბოლომდე მიიყვანოთ.

იმისათვის, რომ პროგრესი დიანახოთ, თქვენ სხეულს სჭირდება დრო აღდგენისთვის და ვარჯიშისგან მიყენებული სტრესის ადაპტირებისთვის.

სტრესი სხეულის საბანკო ანგარიშს ჰგავს. ყოველთვის, როდესაც ისესხებთ, რაღაც მომენტში უნდა მოხდეს მისი შევსება. თუ აღდგენას მცირე დროს დაუთობთ, თქვენი პროგრესი არასწორი გზით წავა, ან საერთოდაც ძვირად დაგიჯდებათ.

სცადეს ეს: ნორმალურია, თუკი ვარჯიშის შემდეგ კუნთების ტკივილს განიცდით პირველი 24-48 საათის განმავლობაში. განსაკუთრებით მაშინ, თუ აქტივობები ახალია ან გაიზარდა ვარჯიშის სტრესი (მაგალითად, სიმძიმის გაზრდა, სირბილის სისწრაფის ან მანძილის მომატება).

ასევე ნახეთ:  სხეულის იდეალური წონა სიმაღლის მიხედვით

ასე რომ, თუ სამი დღის განმავლობაში კვლავ გრძნობთ კუნთების ტკივილს ვარჯიშის შემდეგ, ან ვარჯიშის პროცესშიც, კარგი იქნება, თუ რამდენიმე დღით შეისვენებთ.

ხანდახან საუკეთესო რამ, რაც საკუთარი ფიტნესისთვის შეგიძლიათ – დასვენებაა.

4. აღმდგენი კვების გამოტოვება

ისეთივე ნეგატიური გავლენის მოხდენა შეუძლია აღდგენითი კვების გამოტოვებას, როგორიც ფიზიკური აღდგენის იგნორირებას.

არსებობს ორსაათიანი ფანჯარა გლიკოგენის შეცვლისთვის (ნახშირწყლების შენახვის ფორმა) და ვარჯიშის შემდეგ აღდგენითი პროცესი.

თუ გამოტოვებთ აღდგენით კვებას, თქვენ 45-65%-ით შეანელებთ გლიკოგენის წარმოებას. რადგანაც ნახშირწყლები სხეულის ენერგიის პირველად წყაროს წარმოადგენს, ამან შეიძლება შეანელოს დაზიანებული კუნთების აღდგენისა და გამოჯანმრთელების უნარი. ეს კი მომავალში გავლენას იქონიებს ვარჯიშზე და საბოლოო ჯამში – წარმატებაზე.

სცადეთ ეს: ვარჯიშის დამთავრებისთანავე მიიღეთ 20-25 გრამი პროტეინი და 50-100 გრამი ნახშირწყალი.

5. ყოველთვის აკეთებთ იგივე ვარჯიშებს

თუ თქვენ უკვე დიდი ხანია ვარჯიშობთ, აუცილებლად გექნებათ რამდენიმე ისეთი ვარჯიში, რომელიც ძალიან მოგწონთ და გსიამოვნებთ მისი კეთება. ეს შესანიშნავია!

თუ კონკრეტული სავარჯიშოები უფრო მეტად მოგწონთ, დიდი შანსია, დარჩეთ მათი ერთგული და გამუდმებით აკეთოთ ისინი.

ამ შემთხვევაში, არა მხოლოდ გამოტოვებთ სხვა სასარგებლო სავარჯიშოებს, არამედ დიდი რისკია, რომ ზიანი მიაყენოთ საკუთარ თავს.

მაგალითისთვის, მორბენლები ხშირად არ ცვლიან ვარჯიშებს. ისინი თავს არიდებენ გამძლეობისა და სიძლიერის სავარჯიშოებს, რადგან თვლიან, რომ ამით მოემატებათ კუნთი. ეს კი მათ სისწრაფეს შეანელებს. სინამდვილეში კი პირიქითაა. რაც უფრო მეტი კუნთი გაქვთ, მით უფრო ძლიერია თქვენი ყოველი ნაბიჯი, მოძრაობისას უფრო მეტად ეფექტური ხართ და ნაკლები ზეწოლაა სახსრებზე.

ასევე ნახეთ:  მიირთვით ეს 11 საკვები, თუ მეტი ენერგია გინდათ რომ გქონდეთ

სცადეთ ეს: თუ მორბენალი, ველოსიპედისტი ან მცურავი ხართ, კვირაში მინიმუმ 2 დღე მაინც დაუთმეთ გამძლეობისა და სიძლიერის ვარჯიშებს.

თუ თქვენ დაკავებული ხართ მძლეოსნობით, პილატესი ან იოგა შესანიშნავად შეავსებს თქვენ სავარჯიშო პროგრამას.

თქვენი ფიტნეს მიზანი როგორია?