ფიტნესი

თქვენი გეგმა ფიტნეს მიზნების მისაღწევად

1. დაწერეთ და განსაზღვრეთ

ჩამოწერეთ თქვენი მიზნები, დაისახეთ კონკრეტული გეგმა და ასე უფრო მარტივად განსაზღვრავთ მიზნებს, რომელთა მიღწევაც გსურთ.

მინდა წონაში დაკლება“ – ძალიან მარტივი სურვილია, თუმცა აუცილებელია, წარმოდგენილი გქონდეთ, როგორ აპირებთ ამას, რამდენი კილოგრამის დაკლება გსურთ და სხვ.

აუცილებელია, თქვენ მიერ წარმოდგენილი გეგმები იყოს განსაზღვრადი, სპეციფიკური, შედეგზე ორიენტირებული და დროში გაწერილი.

ან მოგვანდეთ თქვენი გეგმის შედგენა , ჩვენ შეგვიძლია ინდივიდუალურად შეგიდგინოთ სწორი კვების რაციონი და სავარჯიშო პროგრამა თქვენი მიზნებისა და გემოვნების მიხედვით, ისე რომ არც შიმშილი მოგიწიოთ და შედეგსაც უმტკივნეულოდ და სწრაფად მიაღწიოთ.  ეწვიეთ ამ გვერდს დამატებითი დეტალებისთვის.

2. აუცილებელია, თქვენი გეგმები მენეჯმენტს ექვემდებარებოდეს

სურვილები არ უნდა იყოს ფანტასტიკის ჟანრიდან, ისევე, როგორც თქვენი ქმედებები.

თუ გადაწყვეტთ, რომ სიმძიმეები აწიოთ, თუმცა მანამდე ეს არ გიცდიათ, უმჯობესია, თავი შეიკავოთ ერთიანად დიდი წონის აწევისაგან.

ეს დაგეხმარებათ, ფსიქოლოგიურად სწორად განეწყოთ ვარჯიშის მიმართ.

ეცადეთ, მცირედი ცვლილებები შეიტანოთ თქვენს ცხოვრებაში და ნელ-ნელა შეცვალოთ ჩვევები.

3. დაყავით მიზნები

იმის ნაცვლად, რომ იფიქროთ, რისი მიღწევა გსურთ კვირის განმავლობაში, უმჯობესია, გეგმა 28 დღეზე დაყოთ.

ასე უკეთ მოახერხებთ მის შესრულებას.

4. დაისაჩუქრეთ თავი მიღწეული შედეგის შემდეგ

თუ დასახული გეგმების ნაწილს მიაღწიეთ, საჩუქარი გაუკეთეთ საკუთარ თავს.

ეს თქვენს სავარჯიშო პროგრამასაც უფრო მეტად წაახალისებს.

შეარჩიეთ საჩუქარი, რომელიც დიდ ძალისხმევას არ საჭიროებს.

5. გადააფასეთ თქვენი მოტივაცია

იფიქრეთ, რის გამო ვარჯიშობთ, რა იყო ვარჯიშის დაწყების თავდაპირველი მიზეზი და რა არის ახლა.

ასევე ნახეთ:  17 შესანიშნავი მიზეზი ცურვის დასაწყებად

რეგულარულ ვარჯიშს, შესაძლოა, მოულოდნელად კარგი ეფექტიც კი ჰქონდეს თქვენს სხეულზე, საგრძნობლად შემცირდეს ქოლესტეროლის დონე და თავი უფრო ენერგიულად იგრძნოთ.

ამიტომ, ხშირად გადახედეთ მიზნებს, მოტივაციას, დაისახეთ უფრო დიდი გეგმები.

6. ითხოვეთ დახმარება

არ შეგრცხვეთ იმისი, რომ რაღაც არ იცით.

ითხოვეთ დახმარება, რათა შეძლოთ მეტი და ივარჯიშოთ უფრო ნაყოფიერად.

7. მისდიეთ გრაფიკს

გრაფიკის დაცვა ვარჯიშისას ძალიან მნიშვნელოვანია.

ეს დაგეხმარებათ, სწორად გაანაწილოთ დრო და იგრძნოთ მეტი მოტივაცია მთელი დღის განმავლობაში.

8. ეცადეთ, ვარჯიშის პროცესი საინტერესო იყოს

თუ ყოველთვის ერთსა და იმავე ვარჯიშებს აკეთებთ მთელი სამი-ოთხი საათის განმავლობაში, შესაძლოა, ეს რუტინა მალევე მოგბეზრდეთ.

სცადეთ ექსპერიმენტები, დაკავდით იოგათი, გუნდური თამაშებით ან სხვა აქტივობებით, რომლებიც თქვენს ფიზიკურ დატვირთვას გაახალისებს და საინტერესოს გახდის.

ეს, ასევე, დადებითად აისახება თქვენს ჯანმრთელობაზე.

9. სწორად დახარჯეთ ფული

იმის ნაცვლად, რომ დიდი რაოდენობით თანხა საჭმელში დახარჯოთ, ეცადეთ, ეს თანხა სხვადასხვა აქტივობებისათვის გამოიყენოთ.

სცადეთ, ივარჯიშოთ მეგობრების გარემოცვაშიც, გაუზიარეთ სიახლეები თუნდაც ვირტუალურ მეგობრებს.

ეს ყველაფერი მოტივაციას შეგინარჩუნებთ.

10. გამოიყენეთ სწორი ტექნიკა

არსებობს არაერთი სასარგებლო აპლიკაცია, რომელიც ვარჯიშის დროს დაგეხმარებათ.

შეგიძლიათ, გამოიყენოთ MyFitnessPal, RunKeeper, Noom, რომლებიც მოგეხმარებთ შედეგების ჩაწერაში.

ეს აპლიკაციები საყოველთაოდ ცნობილია ინტერნეტ სივრცეში.

11. არ შემოიფარგლოთ გაწერილი ვარჯიშებით

შეგიძლიათ, ყოველთვის სცადოთ დამატებითი მოძრაობები.

მაგალითად, ისეირნოთ ტელეფონზე საუბრისას ან დაკავდეს სახლის საქმეებით, რაც, ასევე, დიდ ენერგიას  მოითხოვს.

12. სწრაფად დაისახეთ ახალი გეგმა

როგორც კი შეასრულებთ ერთ გეგმას, სწრაფად დაისახეთ მეორე, რათა არ მოდუნდეთ და მუდმივად ფორმაში იყოთ.

ასევე ნახეთ:  6 მიზეზი, რატომაც სიმძიმეებით ვარჯიში ქალებისთვის აუცილებელია

13. იყიდეთ სასიამოვნო ატრიბუტიკა

იყიდეთ სავარჯიშო ფეხსაცმელები, რომლებიც მოგწონთ, ან სხვა ატრიბუტები.

არაერთი ფიტნეს ტრენერი აღნიშნავს, რომ ეს მოტივაციის ამაღლებას უწყობს ხელს.

14. არ შეგეშინდეთ უკან დახევის

არ არის მიზანშეწონილი, ვარჯიშის შედეგად ტკივილი იგრძნოთ.

თუ ასეა, უმჯობესია, შეანელოთ ვარჯიშების ინტენსიურობა და ენერგიის გაზრდის შემდეგ კვლავ ჩვეულ რეჟიმს დაუბრუნდეთ.

15. იყავით მიმტევებელი

თუ რამე ისე ვერ გამოგივიდათ, როგორც გეგმავდით და გინდოდათ, აპატიეთ საკუთარ თავს და ხელმეორედ უფრო უკეთ და მეტი მონდომებით სცადეთ.