ფიტნესიჯანმრთელობა

3 მითი სიმძიმეებით ვარჯიშზე, რომლებიც ქალებმა უნდა დაივიწყონ | ქალების ვარჯიში

სტატიაში გიამბობთ მითებზე, რომლებიც სიმძიმეების აწევასთანაა დაკავშირებული. ქალების ვარჯიში ხშირად სწორედ ამ მითების საფუძველზე მიდის შეცდომებისკენ.

ერიდებით სიმძიმეების აწევას, რადგან გეშინათ ტრავმების ან იმის, რომ ზედმეტად გაგეზრდებათ კუნთები? ზედმეტად დიდ დროს ხარჯავთ კარდიო ვარჯიშებზე, რათა არასასურველი კილოგრამები დაიკლოთ?

ჩვენ გაჩვენებთ, რომ ყველა მითი, რაც გსმენიათ სიმძიმეების აწევაზე მხოლოდ და მხოლოდ მითია და მეტი არაფერი.

მიუხედავად იმისა, რა გსურთ, პლაჟზე კარგად გამოჩნდეთ, უფრო მეტი ძალა გქონდეთ, თუ უბრალოდ უფრო ათლეტურად იყოთ, სიმძიმეებით ვარჯიში დაგეხმარებათ.

მითი 1:  სიმძიმეების აწევით ჰალკივით გაგეზრდებათ კუნთები

ქალების უდიდესი ნაწილი სიმძიმეებით ვარჯიშზე უარს იმის გამო ამბობს, რომ არ სურთ, კუნთები ზედმეტად გაეზარდოთ.

მაგრამ თუ თქვენ არ გაგაჩნიათ საოცარი გენეტიკა და არ გაქვთ გეგმაში, რომ ყოველდღიურად რამდენიმე საათი დაუთმოთ ვარჯიშს, მაშინ თქვენ ვერასდროს იქნებით ზედმეტად „დაკუნთული“.

ქალებს დაახლოებით 15-20-ჯერ ნაკლები ტესტოსტერონი აქვთ, ვიდრე მამაკაცებს. ეს მთავარი ჰორმონია კუნთების ზრდის პროცესისთვის.

ასე რომ, გენეტიკურად თითქმის შეუძლებელია, ძალიან გაგეზარდოთ კუნთები. ქალი ბოდიბილდერები წლების მანძილზე ვარჯიშობენ, რომ შედეგს მიაღწიონ და მაშინაც უმრავლესობა ანაბოლურ სტეროიდებს იყენებს. თუ თქვენ მათ რიცხვს არ მიეკუთვნებით, თავისუფლად შეგიძლიათ ივარჯიშოთ წონებით “დაკუნთვის” გარეშე.

მითი 2: მცირე წონებით ვარჯიში უფრო უსაფრთხოა, რისი დამსახურებითაც გრძელი და ლამაზი კუნთები გექნებათ

შეიძლება, თქვენ ვარჯიშობთ წონებით, მაგრამ მხოლოდ მცირე ზომის ჰანტელებით, რადგან გგონიათ,  უსასრულოდ რომ იმეოროთ ერთი და იგივე მოძრაობა, უფრო გამოკვეთილს გახდის თქვენს კუნთებს.

ასევე ნახეთ:  ტესტოსტერონის ამაღლება 7 საკვები პროდუქტით

მართალია, თქვენი კუნთები უფრო გამძლე გახდება, მაგრამ ის არ გალამაზდება და უფრო ათლეტური სხეულიც ვერ გექნებათ. თუ გსურთ, რომ დაგეტყოთ ფორმები, მაშინ შეასრულეთ ვარჯიშები ისეთი წონით, რომ 6-12 ჯერ გამეორება იყოს ოპტიმალური.

როგორ აარჩიოთ წონა? დაიწყეთ მსუბუქი წონებით და ნახეთ, რამდენი გამეორების შესრულებას შეძლებთ. თუ თქვენი მიზანია ისეთი წონის არჩევა, რომ 10 გამეორების შესრულება შეძლოთ (მაგრამ 14 შეგიძლიათ), მაშინ დაამატეთ დაახლოებით 1 კილოგრამი და კიდევ სცადეთ მანამ, სანამ სასურველ წონას არ აარჩევთ.

კიდევ ერთი რჩევა: უმჯობესია ვარჯიშის დროს უპირატესობა მიანიჭოთ ვარჯიშის სწორად შესრულებას და არა მისი გამეორებების რაოდენობას. უფრო მნიშვნელოვანია სწორად შესრულება, ვიდრე რაოდენობა.

მითი 3: კარდიო ვარჯიშები საუკეთესო მეთოდია ცხიმების დასაწვავად

წონებით ვარჯიში არა მხოლოდ უფრო გამოკვეთილს გახდის ყველა კუნთს (მათ შორის მუცლის კუნთებს), არამედ ის ორგანიზმის მეტაბოლიზმის ტემპსაც აჩქარებს. ეს იმას ნიშნავს, რომ თქვენ დღის განმავლობაში მეტ კალორიას დაწვავთ, მაშინაც კი, როცა არ ვარჯიშობთ.

წონებით ვარჯიშის სასარგებლო ეფექტები:

  • ძვლის გაზრდილი სიმკვრივე
  • გაუმჯობესებული ბალანსი, კოორდინაცია, მოქნილობა და ძალა
  • ყოველდღიური აქტივობების დროს აღარ დაიღლებით, ან დაშავდებით
  • შემცირებული შანსი რომ დიაბეტი, ართრიტი, ოსტეოპოროზი, გულის დაავადებები ან წელის ტკივილი შეგაწუხებთ
  • გაუმჯობესებული ძილი, ხასიათი და შემცირებული სტრესი.

როგორც ხედავთ, წონებით ვარჯიშს ბევრი სასარგებლო ეფექტი აქვს. ეს ეფექტები კიდევ უფრო შესამჩნევია ასაკის მატებასთან ერთად.

ასაკის ზრდასთან ერთად უფრო იზრდება ოსტეოპოროზისა და კუნთოვანი მასის დაკარგვის რისკი.

ასევე ნახეთ:  17 შესანიშნავი მიზეზი ცურვის დასაწყებად

ამ ყველაფრის თავიდან ასაცილებლად ვარჯიში აუცილებელია, განსაკუთრებით კი – წონით ვარჯიში.

საბოლოოდ, უნდა აღვნიშნოთ, რომ ქალების ვარჯიში პროგრესისკენ წავა, თუ ამ მითებს ხაზს გადავუსვამთ და დავივიწყებთ.