ფიტნესიჯანმრთელობა

7 ჩვევა, რომელიც ჯანსაღი გვგონია

იმისათვის, რომ ცხოვრების ჯანსაღი წესი გქონდეთ, საჭიროა, ჩვევები სწორად განავითაროთ.

ყოველდღიური ჩვევები განსაზღვრავს ჩვენს ყოველდღიურ მდგომარეობას. ამიტომ ძალიან მნიშვნელოვანია, რას ვჭამთ, ვვარჯიშობთ თუ არა და ზოგადად – რამდენად კარგ გადაწყვეტილებებს ვიღებთ.

რა არის კარგი გადაწყვეტილება?

ჩვენ ვითვალისწინებთ „სარწმუნო წყაროს“ რჩევებს, ვიცავთ ცნობილ დიეტებს, ვყიდულობთ სასარგებლო საკვებს, მაგრამ რამდენად „კარგია“ ჩვენი გადაწყვეტილებები სინამდვილეში?

ქვემოთ მოყვანილია 7 ჩვევა, რომელიც სინამდვილეში სულაც არ არის კარგი.

  1. შოპინგისას იყენებთ მრავალჯერადი გამოყენების პარკებს

ვინც იყენებს მრავალჯერადი გამოყენების პარკებს, უფრო ხშირად ყიდულობს ორგანულ და ჯანსაღ პროდუქტს.

საინტერესოა ის, რომ სწორედ ასეთი ადამიანები ყიდულობენ უფრო ხშირად სწრაფი კვების ობიექტებისა და არაჯანსაღ საკვებსაც. მათ მიაჩნიათ, რომ კარგად იქცევიან და ზრუნავენ როგორც საკუთარ თავზე, ასევე გარემოზე.

ამიტომაც ხშირად „იმსახურებენ“ ცხიმიან და ტკბილ გემრიელობებს.

  1. იკვებებით „ფიტნეს“ საკვებით

ვარჯიში ვერ მოახერხეთ, მაგრამ ფიტნეს  საკვები და შეიკი მიირთვით. ესეც ხომ საკმარისია?

რა თქმა უნდა – არა.

გარდა იმისა, რომ მხოლოდ ფიტნეს საკვები საკმარისი არ არის, კვლევები აჩვენებს, რომ მათ მიღებას შეიძლება, უარყოფითი ფსიქოლოგიური ეფექტიც ქონდეს.

კვლევაში მონაწილეებს დაურიგეს ერთნაირი საკვები, მაგრამ ნაწილს ეწერა, რომ ფიტნეს საკვები იყო. მონაწილეებმა, რომლებმაც ფიტნეს საკვები აარჩიეს, მეტი ჭამეს, ხოლო შემდეგ ვარჯიშის დროს ნაკლები ივარჯიშეს.

  1. ენდობით საკვების შეფუთვაზე მოცემულ ინფორმაციას

ყველას გვინახავს საკვები, რომელსაც „ორგანული“, „ნატურალური“ ან რაიმე მსგავსი აწერია.

კვლევამ აჩვენა, რომ როდესაც მომხმარებელი არჩევანს აკეთებს პროდუქტებს შორის, მსგავსი წარწერიანი ნაწარმი უფრო პოპულარული არჩევანია, ხოლო შეესაბამება წარწერა რეალობას თუ არა, ამას ძალიან ცოტა თუ ამოწმებს.

  1. ზედმეტად ბევრ სითხეს იღებთ ვარჯიშის დროს

რა თქმა უნდა, წყალი გჭირდებათ ვარჯიშის დროს და თანაც არც თუ ისე ცოტა. მაგრამ საჭიროზე მეტი არ უნდა მიიღოთ.

ასევე ნახეთ:  HIIT - მაღალი ინტენსივობის ინტერვალური ვარჯიშები

უახლესი კვლევების თანახმად, ვარჯიშის დროს მხოლოდ მაშინ უნდა დალიოთ, როდესაც მოგწყურდებათ. წინააღმდეგ შემთხვევაში, შესაძლოა, ორგანიზმში ნატრიუმის დონე დაეცეს, რაც აუცილებელია ჯანმრთელობისთვის, განსაკუთრებით – გამძლეობის შესანარჩუნებლად.

  1. ბევრ სპორტულ სასმელს იღებთ

თუ სპორტულ სასმელს ყოველი ვარჯიშის შემდეგ სვამთ, ელექტროლიტების გარდა ასევე არასაჭირო კალორიებსა და შაქარსაც იღებთ.

ადამიანებმა, რომლებიც დღეში ერთ სპორტულ სასმელს სვამენ, სამი წლის განმავლობაში მეტად მოიმატეს წონაში, ვიდრე მათ, ვინც საერთოდ არ სვამდა.

  1. ზედმეტ ხელოვნურ დამატკბობელს იღებთ

ერთი შეხედვით, კარგი გადაწყვეტილებაა შაქრის ჩანაცვლება სხვა დამატკბობლებით, მაგრამ ეს მთლად ასე არ არის.

ხელოვნური დამატკბობლები ხშირად შაქარზე 100-300 ჯერ უფრო ტკბილია.

ზედმეტი სიტკბო აქვეითებს  ტვინსა და კუჭის შორის კავშირს და ამცირებს კალორიების დაწვასა და ჭარბი წონის აღქმას.

ეს ხანგრძლივი პერიოდის განმავლობაში წონაში მომატებასა და სიმსუქნეს იწვევს.

  1. ხშირად ჭამთ გარეთ

ყოველი საუზმის, სადილისა და თუ ვახშმის სახლში მომზადება დამღლელი და ხშირად შეუძლებელია, მაგრამ ხშირად გარეთ ჭამა არ არის კარგი თქვენი ფიტნეს მიზნებისთვის.

კვლევამ აჩვენა, რომ ადამიანები, რომლებიც რეგულარულად ჭამენ გარეთ, იღებენ 200 კალორიითა და 58 მგ ქოლესტერინით მეტს დღის განმავლობაში, ვიდრე სახლში ჭამის მოყვარულები. ისინი, ასევე, იღებენ მეტ ტრანს-ცხიმსაც.

იმისათვის, რომ რეჟიმი მაქსიმალურად აკონტროლოთ, სწორი კვებისა და ვარჯიშის ინდივიდუალური პროგრამა ამაში საუკეთესოდ დაგეხმარებათ.

ამ ყველაფრის გათვალისწინებით, ცხოვრების ჯანსაღი წესი თქვენი მუდმივი თანამგზავრი იქნება!