ფიტნესი

10 რამ, რაც უნდა გააკეთოთ ვარჯიშამდე, ვარჯიშის დროს და მის შემდეგ

თუ გსურთ, რომ თქვენს ვარჯიშს შედეგი ჰქონდეს, მაშინ დარბაზში სიარული აუცილებელია, მაგრამ ასევე, მნიშვნელოვანია, რას აკეთებთ დარბაზში მისვლამდე, ვარჯიშის დროს და მის შემდეგ.

იხილეთ, რას გვირჩევენ ექსპერტები შედეგების მაქსიმიზაციისთვის.

ვარჯიშამდე:

კარგად გამოიძინეთ.

შორ მანძილზე მანქანით მგზავრობას ცარიელი ავზით ხომ ვერ შეძლებთ? ასევეა ორგანიზმი, რომელსაც აუცილებლად სჭირდება ძილი აღდგენითი პროცესებისთვის.

ძილის დროს ორგანიზმის ყველა სისტემა აღდგენის რეჟიმშია, მათ შორის კუნთოვანი სისტემაც.

ეცადეთ,  7 საათი მაინც გეძინოთ, რათა უფრო ენერგიულად და მხნედ გაიღვიძოთ.

მიიღეთ სწორი „საწვავი“

რას ჭამთ, მნიშვნელოვანია. ასევე, ის, თუ როდის ჭამთ.

მნიშვნელოვანია, რომ ვარჯიშამდე 1-2 საათით ადრე ჭამოთ, რადგან ვარჯიშის დროს ორგანიზმს ენერგია სჭირდება.

თუ მშიერზე ივარჯიშებთ, ორგანიზმი კუნთების დაწვას დაიწყებს, ასე რომ, თუნდაც დაკლება იყოს თქვენი მიზანი, სჯობს, ნახშირწყლები მიიღოთ.

წაიხემსეთ ვარჯიშამდე, რათა თქვენი ვარჯიში ეფექტური იყოს.

შეასრულეთ დინამიკური გახურება

ძალიან მნიშნველოვანია, მოამზადოთ თქვენი სხეული ვარჯიშისთვის.

დინამიკური გახურება შეიძლება, იყოს ძუნძული, ხტუნვა, პლანკები; მთავარია, გაახუროთ მთელი სხეული.

ეს აამუშავებს კუნთებს, აწევს სხეულის ტემპერატურას, რაც ამცირებს ტრავმების რისკს.

5-7 წუთიანი გახურებაც კი საკმარისია.

ვარჯიშის დროს:

შეიქმენით შესაბამისი განწყობა.

კარგია ენერგიული მუსიკის მოსმენა, ეს დაგეხმარებათ გარე ხმაურის ჩახშობასა და ფოკუსირებაში.

წარმოგიდგენიათ ოლიმპიური სპორტსმენები ვარჯიშის დრომ რომ მესიჯობდნენ? ამიტომ, გამორთეთ ინტერნეტი და შეეშვით მესიჯებს, თუ სავარჯიშოდ ხართ მისულები, სხვა საქმეებს დაანებეთ თავი.

ისუნთქეთ

ისუნთქეთ ვარჯიშებთან სინქრონში.

ეს ხომ ყველამ კარგად იცის, მაგრამ ცოტა თუ აკვირდება საკუთარ სუნთქვას.

ასევე ნახეთ:  როგორი უნდა იყოს თქვენი პულსი და რატომ აქვს ამას მნიშვნელობა?

ეს წესი ყველა ტიპის ვარჯიშს ეხება, სირბილსაც და სიმძიმეებით ვარჯიშსაც. არ არსებობს სწორი მეთოდი, ყველა თავად უნდა შეარჩიოს სუნთქვის შესაბამისი ტემპი.

გამოიყენეთ გონებისა და კუნთების კავშირი

კვლევები აჩვენებს, რომ ჩვენს გონებასა და სხეულს შორის ძალიან დიდი კავშირია.

ასე რომ, ვარჯიშის დროს იფიქრეთ იმ კუნთებზე, რასაც ავარჯიშებთ. იფიქრეთ იმ მოძრაობაზე, რასაც ასრულებთ. იფიქრეთ წარმატებაზე, მიზნის მიღწევასა და პროგრესზე.

ნუ ეცდებით, გამოჩნდეთ მაგარი

ალბათ, ყველას გინახავთ ვინმე, ვინც დარბაზში უზარმაზარი წონებით ვარჯიშობს და საშინელი ფორმა აქვს.

ჩნდება შეგრძნება, რომ 1 განმეორებაც და საკაცით გასაყვანი გახდება. ეს იმიტომ, რომ იგი ცდილობს იმაზე მაგარი გამოჩნდეს, ვიდრე სინამდვილეშია.

არ არის აუცილებელი, ვარჯიში მარტივი იყოს, მაგრამ არც ზედმეტი უნდა მოგივიდეთ.

მნიშვნელოვანია, გაითავისოთ, რომ ვარჯიშის შედეგებს დრო სჭირდება და არ უნდა ეცადოთ, გაუსწროთ მოვლენებს.

ივარჯიშეთ სწორად და შედეგი აუცილებლად გექნებათ.

ვარჯიშის შემდეგ:

შეასრულეთ გაჭიმვები.

ვარჯიშის შემდეგ რამდენიმე წუთი გაჭიმვას დაუთმეთ.

მთელი დღის განმავლობაში დაძაბული ხართ, შემდეგ ვარჯიშობთ, ამიტომ აუცილებლად გესაჭიროებათ განტვირთვა.

გაჭიმვები თავიდან აგაცილებთ კუნთებისა და სახსრების დაზიანებებს.

ასე რომ, არ დაიზაროთ, შეასრულეთ გაჭიმვები, ისუნთქეთ ღრმად და განიტვირთეთ.

აღწერეთ თქვენი პროგრესი

ჩაიწერეთ, როგორ ჩაიარა ვარჯიშმა, რამდენი განმეორება შეასრულეთ, რამდენი წონა აწიეთ ან რა მანძილი ირბინეთ.

ასევე, კარგი იქნება კომენტარებსაც თუ მიაწერთ, რა გაგიჭირდათ და რა გაგიადვილდათ. ეს დაგეხმარებათ, აკონტროლოთ თქვენი პროგრესი და ასევე, მოგცემთ დამატებით მოტივაციას, მუდამ გააუმჯობესოთ თქვენი შედეგები.

ასევე ნახეთ:  ტოპ 3 ყველაზე ეფექტური საკვებდანამატი

არ დაივიწყოთ ვარჯიშის შემდეგ ჭამა

არ თქვათ უარი ვარჯიშის შედეგ ჭამაზე, თუნდაც დიდად არ გშიოდეთ.

ვარჯიშის შედეგ დაახლოებით 30-45 წუთის განმავლობაში ორგანიზმი ეძებს ნახშირწყლებსა და ცილებს, რათა შეავსოს დახარჯული მარაგი.

თუ ვარჯიშის შემდეგ არ შეჭამთ, სავარაუდოდ, მოგვიანებით მაინც მოგშივდებათ და ხელი ტკბილეულისკენ წაგიცდებათ.

კარგია, თუ მიიღებთ საკვებს, რომელიც კალიუმითაა მდიდარი, რაც კუნთების აღდგენას უწყობს ხელს. მიირთვით ბანანი, რომელიც, კალიუმთან ერთად, ნახშირწყლებსაც შეიცავს.