ჯანმრთელობა

6 ცუდი ჩვევა ძილის წინ

კარგი ძილისთვის შეიძლება, ბევრი რამ სცადოთ, ეგვიპტური ბამბის თეთრეულიდან დაწყებული ძილის ტრეკერებით დამთავრებული, მაგრამ ეს ყველაფერი შესაძლოა, ყოვლად არაეფექტური აღმოჩნდეს, თუ ძილის წინ ცუდ ჩვევებს არ მოიშორებთ.

ნახეთ, გავრცელებული მავნე ჩვევებიდან თქვენ რამდენი გაქვთ:

1. უყურებთ ტელევიზორის

ვის არ უყვარს ძილის წინ ტელევიზორის ყურება?

კვლევის თანახმად, ეს არის ყველაზე პოპულარული აქტივობა ძილის წინ.

სწორედ ესაა ერთ-ერთი მთავარი მიზეზი ძილის მოკლების. ვინც რეგულარულად უყურებს ტელევიზორს ძილის წინ ხშირად, იკლებს ძილსა და შემდეგ უწევს სამსახურში დაგვიანება.

2. არ შორდებით სმარტფონებს

სმარტფონები ჩვენი ყოველდღურობის განუყოფელი ნაწილია, მაგრამ შეუძლებლია, თვალი დავხუჭოთ უარყოფით მხარეებზე.

ტელეფონის გამოსხივებას შეუძლია, სერიოზულად შეუშალოს ხელი თქვენს ძილს.

კვლევებმა აჩვენა, რომ ძილის წინ ტელეფონის აქტიური გამოყენება იწვევს თავის ტკივილსა და დაძინების სირთულეებს.

3. უარს ვერ ამბობთ ღამე წახემსებაზე

ღამე ჭამა არა მხოლოდ წონაში მომატებას უწყობს ხელს, არამედ შეუძლია, ხელი შეუშალოს თქვენს ძილს.

განსაკუთრებით მოერიდეთ შაქრიან საკვებს, რადგან ზედმეტად დიდ ენერგიას მოგცემთ და ხელს შეგიშლით ხარისხიანად დაძინებაში.

მონელების პროცესის დროს მატულობს სხეულის ტემპერერატურა, რაც შფოთიან ძილს იწვევს.

4. ვერ წყდებით ინტერნეტს

თუ თქვენც ამერიკელების 60%-ის მსგავსად დაძინებამდე ერთ საათით ადრე იყენებთ კომპიუტერს, მაშინ თქვენც უნდა იცოდეთ, რომ კომპიუტერის (ან ტელეფონის) ეკრანის ხელოვნური განათება აფხიზლებს ადამიანს და ასევე, ამცირებს ორგანიზმში მელატონინის გამოყოფას.

მელატონონი აუცილებელი ჰორმონია ძილისთვის, ამიტომ მისი ნაკლებობა ნაკლებ და უფრო დაბალი ხარისხის ძილს ნიშნავს.

ასევე ნახეთ:  ჭარბოფლიანობა და მისი შეჩერების გზები

5. სვამთ ძილის წინ

თუ ღამე დასალევად ხართ და დალევის შემდეგ ჩაგეძინებათ, შეიძლება, იფიქროთ, რომ კარგად გამოიძინეთ.

სინამდვილეში – ალკოჰოლი ხელს უშლის ხარისხიან ძილს.

მოერიდეთ ძილის წინ ალკოჰოლისა და კოფეინის მიღებას, თუნდაც მცირე ოდენობით.

6. არასაკმარისად იღებთ მზის სხივებს

დეპრესია, შფოთვა, ცუდი ხასიათი – ეს პრობლემები ბევრს აწუხებს, ზოგჯერ სიტუაციას უბრალოდ კარგად გამოძინებაც კი ამსუბუქებს.

უბრალოდ, მეტი მზის სხივის მიღებაც კი ოფისის ხელოვნური განათების ნაცვლად საგრძნობ შეღავათს მოგცემთ. ხელოვნური განათება ზრდის დეპრესიის რისკს.