როგორ გავზარდოთ მოტივაცია ვარჯიშისთვის?

როცა დღეები მოკლდება და ცივდება, მოტივაცია ვარჯიშისთვის ხშირად იკლებს. თუმცა, ასეთი პერიოდისთვისაც არსებობს სტრატეგიები, რომლებიც დაგეხმარებათ ჩვეულ რეჟიმს დაუბრუნდეთ და სეროტონინის დონის შენარჩუნებით განწყობა ამაღლებული შეინარჩუნოთ. წარმოგიდგენთ სხვადასხვა სტრატეგიას მათთვის, ვისაც მარტო ვარჯიში ურჩევნია და მათთვისაც, ვინც მოტივაციას სოციალურ წრეში ხედავს.

თუ მარტო ვარჯიში გირჩევნიათ:

1. გააკეთეთ ნებისმიერი მოძრაობა, რაც განწყობას ამაღლებს
პირველ რიგში, უბრალოდ დაიწყეთ მოძრაობა. არ იფიქროთ, რამდენი მისვლა და გამეორებაა საჭირო; უბრალოდ იარეთ, ირბინეთ ან ველოსიპედით ისარგებლეთ 30 წუთით მაინც. ნებისმიერი აქტივობა კარგია, თუმცა ის, რაც გულისცემას ააჩქარებს, ტვინს ენერგიას და მოტივაციას მატებს.

2. დილის ვარჯიში
მზის სინათლე და დილის კორტიზოლი ზრდის ენერგიას. დილის ვარჯიშით დღის სიხალისესა და ენერგიას გაიუმჯობესებთ, განსაკუთრებით იმ შემთხვევაში, თუ სამსახურის შემდეგ ვარჯიში ხშირად გიჭირთ. თუ დილით ვერ ახერხებთ ვარჯიშს, ეცადეთ ივარჯიშოთ ფანჯარასთან, რათა სინათლეც გამოგადგეთ განწყობის ასამაღლებლად.

3. დაივიწყეთ გეგმა და სცადეთ სპონტანურობა
ზაფხულის თავისუფლებას შეიძლება მოჰქონდა სიხალისე, ამიტომ, სპონტანურობა ვარჯიშისასაც სცადეთ. 8 კილომეტრის სტანდარტული სირბილის ნაცვლად, გადაახალისეთ იგი: გამოიყენეთ ობიექტები მანძილის გასაზომად და სხვდასხვა სიჩქარით ირბინეთ. ეს ვარჯიშს უფრო მხიარულსა და გართობასავით ამაღლებულს ხდის.

4. საკუთარი წონით ვარჯიშები სახლის პირობებში
თუ მოტივაციის ნაკლებობას გრძნობთ, საკუთარი წონით ვარჯიშები კომფორტულად შეგიძლიათ შეასრულოთ სახლში. მაგალითად:

• 5 აზიდვა და ახტომა
• 10 ნაბიჯი ლანჯებით
• 15 V-აზიდვა
• 10 აზიდვა
• 5 ჩაჯდომა ხტომით
  ეს ვარჯიშები მარტივია და მინიმალური დროით, ყოველგვარი აღჭურვილობის გარეშე შეგიძლიათ შეასრულოთ.

თუ სოციალური მოტივაცია გჭირდებათ:

1. ხელახლა გადახედეთ ზაფხულის გეგმებს
გაიხსენეთ ზაფხულში ჩანაფიქრი, რომელიც ვერ აიხდინა. დაიგეგმეთ ლაშქრობა, ველოსიპედით გასეირნება ან მთაში გასვლა მეგობრებთან ერთად. ამჯერადაც შეაგროვეთ მეგობრები და განაახლეთ ის აქტივობები, რაც ზაფხულში ვერ მოახერხეთ.

2. ნოსტალგია და გუნდური თამაშები
წარსული, კარგი დღეების გახსენება სეროტონინის დონის ამაღლებას ეხმარება. იყავით ბავშვებივით თავისუფალნი: ითამაშეთ ფეხბურთი ან კალათბურთი, ან ჩაერთეთ სხვა გუნდურ თამაშში მეგობრებთან ერთად. ეს განწყობას ამაღლებს და დამატებით მოტივაციას მოგცემთ.

3. ჩაერთეთ შეჯიბრებებში
შემოდგომის და ზამთრის სეზონზე მრავალი სპორტული ღონისძიებაა, როგორიცაა „ზომბების სირბილი“ ან „შემოდგომის საგზაო რბოლა“. შეჯიბრებაზე რეგისტრაცია მიზნისკენ სწრაფვასა და მოტივაციას მეტად გაგიღრმავებთ.

ამ რჩევების გათვალისწინებით, ნებისმიერ სეზონზე შეძლებთ ენერგიის შენარჩუნებას და განწყობის ამაღლებას, რაც თქვენს ფიზიკურ და მენტალურ ჯანმრთელობასაც შეესაბამება.