წონები თუ კარდიო, რომელი ჯობს პირველი?
როდის ჯობს სიმძიმის აწევა და როდის კარდიო ვარჯიში?
შეკითხვა, თუ რომლით სჯობს ვარჯიშის დაწყება – კარდიოთი თუ ძალოვანი ვარჯიშით – ხშირად გააჩნია იმაზე, თუ რა არის თქვენი მიზანი. აი, რა უნდა გაითვალისწინოთ სხვადასხვა მიზნისთვის:
1. თუ თქვენი მთავარი მიზანი წონის დაკლებაა
დასავლეთ კოლორადოს უნივერსიტეტის კვლევების მიხედვით, წონის დასაკლებად ჯობს ვარჯიში ძალოვანი ვარჯიშით დაიწყოთ. როცა ვარჯიშს სიმძიმის აწევით იწყებთ, ის ორგანიზმს კარდიოსთვის უკეთ ამზადებს, პულსაციასაც მნიშვნელოვნად ზრდის და ეს კალორიების ინტენსიური წვისთვის იდეალურია. კარდიოს შესრულების შემდეგაც, კუნთოვანი მეტაბოლიზმი მთელი დღის განმავლობაში აგრძელებს ცხიმის წვას.
2. თუ მიზანი ტანწერწეტა სხეულის ჩამოყალიბებაა
თუ თქვენი მიზანია სილუეტის გამოკვეთა, სასურველია, ძალოვანი და კარდიო ვარჯიშები სხვადასხვა დღეებზე გადაანაწილოთ. ნიუ-იორკის ფიტნეს ექსპერტი მაიკლ ბერგი განმარტავს, რომ ცალკე ვარჯიშის შესრულება იძლევა 100%-ით კონცენტრაციის საშუალებას თითოეულ ვარჯიშზე. ამგვარად, თუ ძალოვან ვარჯიშს ორშაბათს შეასრულებთ, ხოლო კარდიოს – სამშაბათს, ორგანიზმი სრულად აღიდგენს ძალებს და ყოველ ჯერზე მაქსიმალურად ენერგიული იქნებით.
თუ მაინც ერთ სავარჯიშო სესიაში აერთიანებთ ორივეს, ჯობს ჯერ სიმძიმის აწევით დაიწყოთ. ეს ორგანიზმს წონასწორობას და მეტაბოლიზმის დაჩქარებას უწყობს ხელს.
3. კარდიო ვარჯიში და ზოგადი ჯანმრთელობა
თუ ვარჯიშის მიზანი მხოლოდ ჯანმრთელობის შენარჩუნებაა და არა წონის კლება ან სხეულის კორექცია, ამ შემთხვევაში არჩევანი თქვენს სურვილზეა დამოკიდებული. ევროპული ჟურნალი ფიზიოლოგიის კვლევის მიხედვით, კვირაში 3 ვარჯიშით, კარდიოსა და ძალოვანი ვარჯიშის თანმიმდევრობა შედეგზე გავლენას არ ახდენს.
რეკომენდაცია:
ყველაზე მნიშვნელოვანი საკუთარი ფიზიკური და მენტალური კომფორტია. როგორც წონის კლების, ისე ჯანმრთელობისთვის კარდიოსა და ძალოვანი ვარჯიშის სწორი გადანაწილება და ზომიერება საუკეთესო შედეგებს მოგცემთ.
