წონის კორექციაწონის მომატება

10 გზა კუნთოვანი ქსოვილის უფრო სწრაფად გასაზრდელად | კუნთის გაზრდა

ალბათ უკვე იცით, რომ კუნთის გაზრდა საკმაოდ ნელი პროცესია და მას დრო სჭირდება.

ჩვენ გთავაზობთ 10 რჩევას, რომელიც ამ პროცესის დაჩქარებაში დაგეხმარებათ.

მოიმატეთ ძალა

იმის ნაცვლად, რომ მთელი ყურადღება კუნთოვანი მასის ზრდისკენ მიმართოთ, უმჯობესია იმუშავოთ ძალის მომატებაზე.

ძალის მომატება გავლენას ახდენს კუნთოვან ქსოვილზეც, იცვლება თქვენი აღნაგობა.

გააკეთეთ ძალის მოსამატებელი ვარჯიშები და ცოტახნით მეორე პლანზე გადაწიეთ კუნთის ზომა.

აღრიცხეთ კვება

აწარმოეთ საკვების ჟურნალი – გააკეთეთ ჩანაწერები, რათა გაუწიოთ მონიტორინგი თქვენს მიღწევებს.

ეს მოტივაციის ამაღლებაშიც დაგეხმარებათ. ჩაწერეთ ყველაფერი, რითი იკვებებით დღის განავლობაში.

თუ არ იცით, ზუსტად როგორ უნდა იკვებოთ თქვენი მიზნის მისაღწევად, გთავაზობთ თქვენზე მორგებული სწორი კვებისა და ვარჯიშის პროგრამის შედგენას. 

გააკეთეთ რთული ვარჯიშები

ფოკუსირდით შედარებით რთულ და კომპლექსურ ვარჯიშზე – სცადეთ რთული ვარჯიშები, მათ შორის  deadlift, ჩაჯდომები, პრესი,  აზიდვები და ა.შ.

იძინეთ მეტი , თუ კუნთის გაზრდა გინდათ

დაწექით დასაძინებლად 30 წუთით ადრე – აღმდგენითი პროცესები ძალიან მნიშვნელოვანია თქვენი ფიზიკური აქტივობისათვის, მათ შორის კუნთოვანი ქსოვილის ზრდისათვის.

იდეალურ ვარიანტში თქვენ უნდა გეძინოთ რვიდან ცხრა საათამდე, თუმცა ეს ყოველთვის არ არის რეალისტური.

დალიეთ შეიკი ვარჯიშის დროს

ვარჯიშამდე და ვარჯიშის შემდეგ ნუტრიტების მიღება ძალიან სასარგებლო და მნიშვნელოვანია.

თუმცა, თუ გსურთ კუნთოვანი ქსოვილის გაზრდა, უმჯობესია, თუ ნუტრიტებით სავსე პროტეინს ვარჯიშის განმავლობაში მიიღებთ.  მაგალითად, შეგიძლიათ მიიღოთ შეიკი, რომელიც შეიცავს 20 გრამ პროტეინს და 40 გრამ ნახშირწყალს.

ასევე ნახეთ:  როგორ დავიკლოთ წონაში წყლის დახმარებით? | წონის კლება და წყალი

ავარჯიშეთ თითოეული კუნთი 2-3ჯერ კვირაში

თუ შეგიძლიათ აწიოთ სიმძიმეები მხოლოდ სამჯერ კვირის განმავლობაში, სცადეთ ვარჯიშები, რომლის დროსაც შეძლებთ მთელი სხეული აამუშავოთ.

ასე შეძლებთ ავარჯიშოთ თითოეული კუნთი სამჯერ კვირის განმავლობაში.

თუ ვარჯიშობთ კვირაში ოთხჯერ, სცადეთ გაანაწილოთ დრო ისე, რომ თითოეული კუნთი კვირაში ორჯერ მაინც ავარჯიშოთ.

არ დატოვოთ უყურადღებოდ ფეხები

მაშინაც კი, თუ სხვა ფიტნეს მიზნები გაქვთ, არ დატოვოთ ფეხების ვარჯიში ყურადღების გარეშე.

პირველ რიგში, ეს დაგეხმარებათ თავიდან აიცილოთ ვარჯიშით გამოწვეული დისბალანსი კუნთებს შორის, ხოლო , მეორე მხრივ, ფეხის კუნთების ვარჯიშს გავლენა აქვს ზოგადად ორგანიზმის სრულ კუნთოვან ქსოვილზე.

მიიღეთ მეტი საკვები დასვენების დღეებში

კონკრეტულ დღეს არ ვარჯიში, არ ნიშნავს, რომ ამ დღეს საკვების სასურველი რაოდენობის მიღება აკრძალულია.

პირიქით, კვლევების თანახმად, უმჯობესია, უფრო მეტი რაოდენობის საკვები მიიღეოთ იმ დღეებში, როცა არ ვარჯიშობთ, ვიდრე ფიზიკურად დატვირთულ დღეებში.

თუმცა, რა თქმა უნდა,  შეგიძლიათ შეამციროთ ნახშირწყლების რაოდენობა, რადგან დასვენების დღეებში არ გჭირდებათ დამატებითი ენერგია.

არ გეშინოდეთ ნახშირწყლების

მართალია, ნახშირწყლებისათვის თავის არიდება პოპულარულია იმ ადამიანებს შორის, რომლებსაც წონაში დაკლება სურთ, თუმცა, მაშინაც კი, თუ წონაში დაკლება გსურთ, უმჯობესია, თუ ნახშირწყლების მიღებას არ შეუშინდებით.

აუცილებელია ცხიმების გარკვეული რაოდენობა მიიღოთ, თუმცა ეს ჯანსაღი საკვების სახით უნდა მოხდეს.

დასაწყისისათვის შეგიძლიათ მიიღოთ ნახშირწყლები ვარჯიშამდე და ვარჯიშის შემდეგ, ასევე, მისი ნაწილის მიღება შეგიძლიათ შეიქის სახით ვარჯიშის დროს შესვენებისას.

პროგრესის არსებობის პირობებში კი შეგიძლიათ ნახშირწყლების შემცველი საკვებიც დაამატოთ კვების ყოველდღიურ რაციოში.

ასევე ნახეთ:  12 ხრიკი წონის დასაკლებად

აიწონეთ ყოველკვირეულად

ბევრი ადამიანი მხოლოდ მაშინ იწონება, როცა წონაში დაკლება სურს. თუმცა აუცილებელია აიწონოთ ყოველკვირეულად.

ეს დაგეხმარებათ იყოთ მობილიზებულები.

სასწორის საშუალებით შეძლებთ აკონტროლოთ კუნთოვანი ქსოვილის მომატებაც. თუ სასწორზე რიცხობრივი მაჩვენებელი არ იცვლება, ესე იგი თქვენი კუნთოვანი ქსოვილი არ გაზრდილა.